Isinama sa unang pagkakataon ang popular na first-person shooter (FPS) title na CrossFire sa ika-31 Southeast Asian Games na ginaganap sa Hanoi, Vietnam.
Apat na koponan mula sa Pilipinas, Vietnam, Indonesia at Laos ang nakatakdang magsagupaan para sa gintong medalya sa 31st SEA Games CrossFire event.
Kinakatawan ang Sibol, ang national esports team ng Pilipinas, ng kilalang CF squad na Pacific Macta. Nagtagumpay sila kontra sa Execration sa grand finals ng national team selection noong Pebrero.
Binubuo ang Sibol CrossFire team nila Dennis “ZDD” Ramos Jr., Aldrin “Aldrin” Borabon, John Kenneth “zYK” Alde, Matthew “EL1” Arnaez, Christian “Revenge” Amorea at Arthur Gabrielle “King” Tecson.
Schedule at resulta ng 31st SEA Games CrossFire
MEDALYA | BANSA |
GOLD | Vietnam |
SILVER | Pilipinas |
BRONZE | Indonesia |
May 21
Upper Bracket Round 1
KOPONAN | RESULTA | KOPONAN |
Vietnam | 2 – 0 | Laos |
Indonesia | 0 – 2 | Pilipinas |
Lower Bracket Round 1
KOPONAN | RESULTA | KOPONAN |
Laos | 0 – 2 | Indonesia |
May 22
Lower Bracket Final
KOPONAN | RESULTA | KOPONAN |
Pilipinas | 3 – 0 | Indonesia |
Gold medal match
KOPONAN | SCHEDULE | KOPONAN |
Vietnam | 3 – 0 | Pilipinas |
Format ng 31st SEA Game CrossFire
Ang 31st SEA Games CrossFire ay may double elimination format.
Isang draw ang ginanap na nagtakda sa paghaharap ng host Vietnam at Laos sa isang banda, at Pilipinas kontra Indonesia naman sa kabila ng best-of-three upper bracket round 1. Ang mga mananalo ay aabante sa best-of-three upper bracket final habang ang mga matatalo ay bababa sa best-of-three lower bracket round 1.
Ang matatalo sa best-of-five lower bracket final ang mag-uuwi ng bronze medal samantalang ang gold at silver ay nakataya sa best-of-five grand final.
Saan mapapanood ang 31st SEA Games CrossFire
Maaaring mapanood nang live ang 31st SEA Games CrossFire tournament sa opisyal na YouTube channel ng kompetisyon at Facebook page ng Vietnam Esports Federation.
Para sa mga balita patungkol sa Sibol, pwede niyong i-like at i-follow ang ONE Esports Philippines sa Facebook.