Inilunsad ng Counter-Strike: Global Offensive ang Dreams & Nightmares Workshop Contest, kung saan maghahanap ang Valve ng mga orihinal na dream o nightmare-themed weapon finishes para sa laro.
10 winning entries ang maghahati-hati sa $1,000,000 nakalaang papremyo. Kailangan lang para makasali ay ang orihinal na gawa, na isusumite sa CS:GO Workshop, at non-limited Steam account.
Submission pegs para sa Dreams & Nightmares art contest
Naglaan din ng website para sa nasabing CS:GO art contest ang Valve upang mapabatid sa mga interesadong artist ang nais nilang makamit, pati na rin ang mga detalye kung paano sumali.
“We launched the Workshop on Steam almost 10 years ago in the hopes of creating a centralized hub for community created content. Since then, over five million content creators have submitted and published over 20 million new items for a variety of games on Steam, making them available to millions of gamers around the world,” sulat ni Valve sa kanilang blog post.
Maaari rin sumali sa CS:GO art contest bilang team na may higit isang miyembro. Gumawa ang Valve ng sub forum para sa mga artist, technical artists, at iba pa para makapag-collaborate.
Para sa karagdagang tanong o kumento tungkol sa art contest, maaaring mag-email sa [email protected] at gamitin ang subject na “Dreams & Nightmares”.
