Magsisimula na ang BTS Pro Series Season 7: Americas kasabay ng parehong online tournament para sa Southeast Asia.
Nagdadaos ang Beyond the Summit ng Pro Series tournaments tuwing walang opisyal na pangyayari sa Dota Pro Circuit o Major tournaments. Dahil matagal-tagal ang paghihintay bago magsimula ang The International 10, nagbabalik muli ang turneo para sa ikapitong season.
Ano ang BTS Pro Series Season 7: Americas
Ang BTS Pro Series Season 7: Americas ay isang online Dota 2 tournament kung saan tampok ang walo sa pinakamalalakas na koponan mula sa North America at South America.
Binubuo ito ng dalawang tournament phase: ang group stage at ang playoffs. Sa group stage, maglalaban-laban ang mga kalahok sa single round-robin, best-of-two series, kung saan ang top four teams ay masi-seed sa upper bracket ng playoffs, habang ang bottom four naman ay masi-seed sa lower bracket.
Double-elimination bracket naman ang format playoffs kung saan ang lahat ng laro ay best-of-three series, maliban sa grand final na best-of-five.
USD$50,000 prize pool ang nakataya sa naturang palaro.
Schedule at scores ng BTS Pro Series Season 7: Americas
Ang group stage ng turneo ay gaganapin simula siyam ng Agosto hanggang sa ika-15. Pagkatapos ng ilang araw na pahinga, sisimulan nito ang playoffs sa ika-20 ng Agosto at nakatakdang matapos sa ika-22 ng parehong buwan.
(Ang schedule at mga score ay i-a-update pa lang. Lahat ng oras at araw ay GMT+8.)
Ang mga kasaling team sa BTS Pro Series Season 7: Americas
Walong koponan ang bubuo sa palaro. Apat mula dito ay directly invited habang ang natirang apat naman ay magmumula sa closed qualifier.
Invited teams
- Beastcoast
- Undying
- SG e-sports
- 4 Zoomers
Closed Qualifier teams
- NoPing e-sports
- TEAM TEAM
- Simply TOOBASED
- Arkosh Gaming
- Infamous
- Team Unknown
- Furia Jovem
- Hokori
Saan mapapanood ang BTS Pro Series Season 7: Americas
Masusubaybayan ang palaro sa opisyal na Twitch channel ng BeyondTheSummit.
