Qualified sa playoffs ang tatlong pambato ng SEA sa Stockholm Major 2022, ang unang Major tournament ng gumuglong na Dota Pro Circuit.
Kasama ang T1, BOOM Esports, at Fnatic sa 12 koponang nakaligtas matapos ang group stage. Sa Group A, pasok din ng dalawang kinatawan ng SEA ang Tundra Esports, OG, BetBoom Team, at beastcoast.
Samantala, matapos ang 2nd-5th place tiebreaker, naka-qualify kasama ng Fnatic ang Gaimin Gladiators, Thunder Awaken, TSM, Team Spirit, at Team Liquid.
Na-eliminate naman ang kampeon lang ng DPC 2022 Tour 2 Division 1 na Evil Geniuses sa group stage, kasama ng Mind Games na na-disqualify dahil sa hindi naresolbang isyu tungkol sa kanilang visa.
Ang group stage standings ng mga koponang pasok sa playoffs ng ESL One Stockholm Major 2022
Group A
STANDING | KOPONAN | RECORD | PLAYOFF SEEDING |
1st | Tundra Esports | 11 — 1 | Upper Bracket |
2nd | OG | 7 — 5 | Upper Bracket |
3rd | BetBoom Team | 7 — 5 | Upper Bracket |
4th | T1 | 6 — 6 | Upper Bracket |
5th | BOOM Esports | 5 — 7 | Lower Bracket |
6th | beastcoast | 4 — 8 | Lower Bracket |
Group B
STANDING | KOPONAN | RECORD | PLAYOFF SEEDING |
1st | Gaimin Gladiators | 8 — 4 | Upper Bracket |
2nd | Thunder Awaken | 7 — 5 | Upper Bracket |
3rd | TSM | 7 — 5 | Upper Bracket |
4th | Team Spirit | 7 — 5 | Upper Bracket |
5th | Team Liquid | 7 — 5 | Lower Bracket |
6th | Fnatic | 6 — 6 | Lower Bracket |
Matatagpuan ang kumpletong resulta ng group stage dito.
Mga pambato ng SEA sa Stockholm Major 2022, sasabak sa double-elimination playoffs
Sa double-elimination bracket maglalaro ang 12 koponang nakapasok sa playoffs ng ESL One Stockholm Major 2022.
Ang top four teams sa bawat grupo ay masi-seed sa upper bracket ng playoffs. Samantala, sa lower bracket naman magsisimula ang kampanya sa playoffs ng top five at six. Eliminated na ang dalawang koponang magtatapos sa ilalim ng kani-kanilang group.
Para sa mga kinatawan ng rehiyon, tanging ang T1 lang ang na-seed sa upper bracket ng playoffs. Haharapin nila ang top seed ng Group B na Gaimin Gladiators.
Samantala, sa unang round naman ng lower bracket magsisimula ang kampanya ng BOOM Esports at Fnatic sa playoffs. Buti na lang at lahat ng serye ay best-of-three, maliban na lang sa grand final na best-of-five.
Paglalaban-labanan ng mga natitirang kalahok ang pinakamalaking bahagi ng US$500,000 na prize pool, o mahigit ₱26 milyon, gayun din ang 3,530 DPC points.
Nakatakdang iraos ang playoffs ng Stockholm Major 2022 simula ika-16 hanggang ika-22 ng Mayo. Masusubaybayan ang mga bakbakan sa opisyal na Twitch channel ng ESL One.
Para sa karagdagang balita, guides, at features tungkol sa Dota 2, i-like at i-follow ang ONE Esports Philippines sa Facebook.
Ito ay pagsasalin sa Filipino mula sa orihinal na akda na matatagpuan dito.
BASAHIN: Team Spirit star Yatoro, may masasabi tungkol sa BOOM Esports