Ginulat ng Team Liquid ang buong European region ng Dota 2 noong inanunsyo nila na ang kanilang midlane king na si Syed “SumaiL” Hassan ay magbabalik sa DPC bilang stand-in sa DreamLeague Season 15 EU upper division. 

Nakapasok si SumaiL sa Team Liquid noong nagpasya si Samuel “Boxi” Svahn na umalis muna sa Dota scene para sa kaniyang pamilya. Itong nakakagulat na roster shuffle ay inilipat si Max “gojgva” Bröcker sa offlane, habang ibinalik si SumaiL sa midlane.  

Ang huling pagkikita natin sa paglalaro ni SumaiL sa isang DPC event ay noong kasama pa niya ang OG noong umpisa ng 2020. Klarong-klaro na nanibago si SumaiL sa kaniyang debut noong hinarap nila ang Brame sa Games 1 at 2.  

Pero nakita naman natin na nagstep-up si SumaiL sa final game ng serye bilang nagtagumpay siya laban sa Brame sa isang MPV performance gamit si Puck. Pinagsamantalahan ng stand-in ng Liquid ang duo support nina Tommy “Taiga” Le at Aydin “iNSaNia” Sarkohi para manalo bilang isang midlane.  

Naglaro si SumaiL bilang isang mailap na Puck habang binabasa ang mga galaw ng kalaban at pinipigilan mahuli na out of position, silenced, o stunned ang sarili. Noong bumaba na ang supports ng Brame, sinunggaban na ni SumaiL ang mas malalaking targets gamit ang Dream Coil. 

Sa Game 3, nagmukhang mas perfect fit si SumaiL para sa Team Liquid dahil sa pag-synergize niya kasama sina iNSaNiA at Taiga. Matapos mag-cast ng Ink Swell si iNSaNia kay Puck, sumugod agad si SumaiL para I-stun ang kaniyang targets at bumuo ng isang perpektong initiation play. 

Pumasok naman si Taiga gamit si Earth Spirit at kinalaban ang mga leashed targets, na nagresulta sa pag-stun sa cores ng Brame at ang pagkuha nila ng additional damage. 

Tinapos ni SumaiL ang Game 3 ng may perpektong 15/0/16 KDA record at nagdawit ng pinakamalalang pinsala sa mga heroes ng kalaban. Siya ay nagtala ng 36,000 total points. 

Ang stats ni SumaiL sa kaniyang unang laro matapos magbalik sa Team Liquid 

  • Mga ginamit na heroes: Leshrac, Puck 
  • Average KDA: 9.3/2.6/11.6 
  • Average Networth: 22k 
  • Average GPM/XPM: 623.6/677.6 

Overall grade: B+ 

Ang pagbalik muli sa DPC at ang paglaro kasama ng isang bagong team ay hindi isang biro. Pinatunayan ni SumaiL na nasa kaniya pa din ang kakayahan para maging isa sa mga pinakamahusay na midlaners sa Dota. Siya rin ay maayos na nakisama sa Team Liqud habang sinusunod ang kanilang structured at methodical playstyle.