Ang isa sa pinakamalaking esports teams sa Southeast Asia, ang Bren Esports, ay makikipag-partner sa nangungunang global brand para sa gamers, ang Razer.
Ang pagsasanib-pwersa ng Bren Esports at Razer ay nagtataguyod sa championship-winning esports team bilang pamantayan para sa esports at gaming lifestyle.
Ang suporta ng Razer Gold at Iskur sa Bren Esports
Bilang partner ng Bren Esports, ang mga atleta ng Bren ay gagamit ng Razer Iskur gaming chair, na may fully sculpted lumbar support at high-density foam cushions na may black and green reptilian theme, na nagkakahalaga ng US$499.
Ang Razer Gold naman ang magiging virtual gaming credit partner ng team, na magbibigay sa team at sa kanilang mga fans ng mas magandang gaming experience sa pamamagitan ng mga in-game purchases, rewards, promotions, at exclusive content.
Mapapanood din ng mga fans ang partnership ng Bren Esports at Razer sa lifestyle content series ng team na Bren Try Squad, na ipapalabas linggo-linggo sa Bren Esports YouTube Channel.
Ang partnership ng Bren Esports at Razer “is a match made in heaven”
Tinawag ng Bren Esports CEO na si Bren Chong na “match made in heaven” ang partnership sa pagitan ng Bren Esports at Razer.
“We are on the quest of championing lifestyle content for gamers featuring our esports athletes,” sabi nya. “Razer has been at the forefront of esports globally and that’s why I’m truly glad to have this prestigious brand onboard as our partner because our vision and mission for esports are aligned.”
Sinabi naman ng Razer Senior Global Esports Lead na si Khang Thai na masaya sila sa pagsuporta sa Mobile Legends M2 Champions.
“I’m really looking forward to watching all the content they’ll be sharing with our fans in the Philippines, and of course, seeing them compete and win under our banner.”
