Sa luxury suitcase at bag brand na TUMI ang latest partnership na pinasok ng North American esports organization na Evil Geniuses bilang official luggage partner nito.
Ang Evil Geniuses x TUMI partnership
Bibigyan ng nasabing partnership ang mga player ng EG ng signature products ng TUMI, bagay na essential para sa mga pro player dahil sa dalas nilang mag-travel para maglaro sa iba’t-ibang liga at tournaments.
Sa 55-second announcement video na pinost ng organisasyon, makikita ang isang backpack na may logo ng EG sa unahang bulsa. Pahiwatig kaya ito na maglalabas din ang TUMI ng EG-inspired bags?
Gaya ng naunang advertisement kung saan tampok si Daryl “iceiceice” Koh, bumida rin ang ilang players at talents ng EG sa professional esports collection nito.
“TUMI is defined by a legacy of excellence,” sabi Director of Corporate Partnerships ng EG na si Brian Millman. “Their professional esports collection will be instrumental in ensuring our players compete at the highest level with uncompromising protection of our gear but also bringing an elevated style to esports.”
TUMI sa esports scene
Bukod sa EG, partner din ng luxury brand ang Team Secret.
Nabanggit ng Dota 2 captain ng nasabing koponan na si Clement “Puppey” Ivanov na nagustuhan niya ang TUMI bag dahil sa marami nitong compartments at bulsa.
“I feel way more relaxed when I have all my things neatly packed in compartments that are easily accessible,” saad Puppey.
Ang nasabing luggage brand ay meron ding esports collection kung saan tampok ang tatalo bag para sa iba’t-ibang uri ng gamers.
