Dadalhin na ng Team Liquid at Garena ang Liquid Free Fire Series, ang pinakabagong uri ng battle royale sa eksena ng American esports.
Heto ang mga kailangan nyong malaman sa tournament na ito:
Liquid Free Fire Series, pinakaunang Free Fire US community tournament
Intensyon ng parehong organisasyon na ipakilala ang Free Fire sa mga esports fan sa US. Dahil sa tagumpay na tinatamasa nito sa Southeast Asia, Brazil, India at Europe, maganda ang pakiramdam ng parehong panig tungkol sa galaw na ito.
“Team Liquid was one of the first Western organizations to not just step into Free Fire, but also take home one of the first Free Fire esports championships in 2020,” banggit ni Team Liquid Mobile Creator, Community Manager and Social Media Manager Nick Charles. “We’re proud to partner with Garena to help grow the Free Fire esports community in the U.S.”
The Liquid Free Fire Series schedule
Magsisimula ang labanan sa May 31 at matatapos sa June 27.
- May 31 – Signups open
- June 5 – 6 – Open qualifier
- June 12 – 13 – Regular season matches
- June 19 – 20 – Regular season matches
- June 26 – 27 – Finals
Matutukoy sa gaganaping open qualifier ang top 24 teams na makakasali sa regular season. Katuloy nito, ang top 12 teams naman mula sa naunang 24 ang magsasalpukan sa playoffs ng torneyo.
Lahat ng players ay magkakaroon ng tiyansang manalo ng Free Fire in-game currency kasama ang mga season passes.
Mapapanood ang regular season at final matches sa Team Liquid’s Twitch channel simula June 12, 6:00 p.m PT (June 13, 9:00 a.m. GMT+8)
Sa mga interesadong sumali, maaaring mag-sign up sa Discord server ng Team Liquid.
