Available na ang NBA 2K22 sa current- and new-generation platforms sa Pilipinas.
Tampok sa pinakabagong iteration ng NBA video game simulation series ang pinagandang visual presentation, player AI, historic teams, pati na rin iba’t-ibang online community features at game modes.
“Our team is proud to bring NBA 2K22 to millions of players in our community. This is our most expansive offering yet, and whether you love on-the-court action or prefer off-the-court experiences, there is something for anyone, anywhere to tap into the basketball world,” saad ng presidente ng Visual Concepts na si Greg Thomas.
Ipinagmamalaki rin ng 2K ang ilang innovation sa gameplay, pinagandang MyCAREER at MyTEAM, pati na rin ang Neighborhood. Kukumpletuhin ito ng First Fridays kung saan magkakaroon ng mga bagong soundtrack sa laro tuwing Biyernes.
Special version covers, tampok sa NBA 2K22
Pinagbibidahan ni two-time NBA All-Star Luka Dončić ang cover ng NBA 2K22 Standard Edition at NBA 2K22 Cross-Gen Digital Bundle.
Tampok naman ang mga tanyag na big men sa liga na sina Kareem Adbul-Jabbar, Dirk Nowitzki, at Kevin Durant ang cover ng NBA2K22 NBA 75th Anniversary Edition.
Available din sa North America ang special version ng Standard Edition kung saan tampok sa cover ang six-time WNBA All Star at WNBA Champion na si Candace Parker. Mabibili ang mga ito exclusively sa GameStop at EB Games.
Sa Japan, makakabili rin ng special version ng Standard Edition kung saan nasa cover ang Washington Wizards forward na si Rui Hachimura.
Compatibility at price ng NBA 2K22
Narito ang listahan ng compatibility at presyo ng NBA 2K22:
- Standard Edition – USD $59.99 para sa PlayStation 4, Xbox One, Nintendo Switch, at PC na mga platform at USD $69.99 naman para PlayStation 5 at Xbox Series X|S.
- Cross-Gen Digital Bundle – USD $79.99 at hinahayaan ang mga player na ma-access ang Standard Edition sa iba’t-ibang generation ng parehong PlayStation at Xbox console family.
- NBA 75th Anniversary Edition – USD $99.99 para sa PlayStation 5, PlayStation 4, Xbox Series X|S, Xbox One, Nintendo Switch, at PC.
Ang Cross-Gen Digital Bundle at NBA 75th Anniversary Edition ay nagbibigay ng dual-access para sa PS5/PS4 at Xbox Series X|S/Xbox One platforms, pati na rin isang version ng laro para sa bawat console generation sa loob ng parehong console family.
Matatagpuan ang buong breakdown ng bawat version sa opisyal na NBA 2K22 website.
