Sinong mag-aakala na ang pagmomotor sa Land of Dawn ay magiging ganito ka-exciting?
Inilabas ng Moonton Games ang kanilang collaboration kasama ang kilalang Italian motorcycle manufacturer na Ducati sa Mobile Legends: Bang Bang.
Ito ay isang mahalagang hakbang para sa Moonton. Ito ang kanilang unang partnership kasama ang isang motorcycle brand, na magdadala ng eksklusibong content sa loob ng laro.
Bilang bahagi ng collaboration na ito, dalawang hero ng game ang magkakaroon ng special skins na nagpapakita sa kanila na nagmomotor sa battlefield gamit ang mga mataas na kalidad na luxury sports bikes.
- MLBB Lord: 3 pro tips para makuha ang objective na ito
- Gawing bulldozer si jungle Baxia gamit ang 3 best items na ‘to sa MLBB
Benedetta at Irithel sasakay sa Ducati bikes sa bagong collaboration na ito
Ang marksman na si Irithel at ang fighter na si Benedetta ang magiging bida. Sila ay bibigyan ng mga bagong anyo bilang SP Monster Irithel at Panigale V4S Rider Benedetta, na may pangalang inaangkop sa mga sikat na modelo ng motor ng Ducati.
Sa mga skins na ito, parehong mga hero ay magdadala ng matinik na black at red na outfits na inspirado sa estilo ng brand, na nagbibigay sa kanila ng anyo ng mga beteranong racers.
Naka-highlight ang salitang “Ducati” sa kanilang mga hita, na nagdadagdag ng isang dagdag na aspeto ng estilo sa kanilang pangkalahatang anyo.
Sa halip na saayin ang kanyang pinagkakatiwalaang Smilodon, si Irithel ay magmamaneho ng motorsiklo papunta sa laban.
Sa nakaka-excite na transformation na ito, hindi lamang nagbabago ang kanyang mode of transportation, kundi ang kanyang basic at enhanced attacks ay magkakaroon ng malaking upgrade.
Ang mga atake ni Irithel ngayon ay nagpapalabas ng pulang kuryenteng sumasabog kapag tumama sa target.
Para naman kay Benedetta, ang kanyang transformation ay nagpapakita ng kanyang pagsakay ng motorsiklo sa kanyang mga galaw. Sa tuwing siya ay nagda-dash o gumagamit ng kanyang mga skills, makikita siyang sumasakay sa kanyang motor, na nagdadagdag ng dynamic element sa kanyang mga skills.
Ang kanyang ultimate move ay mas lalong nakakabilib. Kapag pinagana ito ni Benedetta, nagkakaroon ng isang racetrack sa lupa na may nakasulat na “champion” sa gitna.
Ang parehong skins ay magiging available sa October 7.
Para sa iba pang balita at guides tungkol sa gaming at esports, i-like at i-follow ang ONE Esports Philippines sa Facebook.
READ MORE: 3 best items para kay Brody upang pumunit ng mga kalaban sa MLBB | ONE Esports Philippines
