Hindi inaasahan ng mga miron ang kinalalagyan ng EVOS Legends sa nalalapit na pagsasara ng MPL Indonesia Season 10 regular season. Pagkatapos makalawit ang numero unong spot sa standings sa first half ng season ay rumagasa pababa ang White Tigers na wala pang match na naipanalo sa limang laro na kinalahukan sa huling bahagi ng season.
At ngayong kahaharapin nila ang bigating Bigetron Alpha at dekoradong RRQ Hoshi sa huling linggo ng kanilang kampanya, nanganganib ang koponan na manakawan ng Rebellion Zion o ng Geek Fam ID sa huling slot sa playoffs.
Gayunpaman, todo pa rin ang suporta ng EVOS Fams (ang fandom ng EVOS Legends) sa kanilang mga pambato papunta sa delikadong Week 8.
EVOS Fams nagbahagi ng moral support sa EVOS Legends
Nagkaaroon ng pagkakataon ang ONE Esports na makausap ang ilan sa mga kilalang pangalan na kaanib sa EVOS fams para kuhanin ang kanilang mensahe para sa kanilang team.
Si M Sholihah alias EVOS Inside, may payo para sa EVOS Legends papunta sa huling linggo ng season. “Stay optimistic, enthusiastic, and believe in your abilities. Lose or win, Fams will still support.”
Ganito din ang pahayag ng die-hard fan na si Dandy Aufar para sa kaniyang paboritong team. “Hello EVOS Legends, we EVOS Fams will always be there for you. If you lose, don’t look for sympathy, just focus on improving yourself, the spirit of EVOS Legends.”
Isa pa sa mga nagbigay ng mensahe si Hamdam, isa sa mga kilalang malapit sa EVOS Esports VP na si DeanKT. “For EVOS Legends in MPL ID S10, hopefully it can fix what needs to be improved, especially for the last week. Message to all EVOS Legends roster or players, just focus on this last week and forget about previous matches (reset again). Provide good and maximum gameplay. Whether the result is a win or a loss later, I know you have tried to give your best. Enjoy your last week Legends, whatever your chances of getting into the playoffs, I still believe. Because I’m there at their best and still support them at their lowest. And true EVOS Fams will always support without dropping, goodluck!”
“Keep the spirit of EVOS Legends. Find yourself. The impossible seems possible when you can do it. Hopefully we can enter the playoffs and get an M4 slot,” ani naman ni Imam na isang GPX talent.
Kung magagawa ng EVOS Legends na makakuha ng panalo sa Bigetron Alpha at RRQ Hoshi ay maseselyo na nila ang inaasam na playoff spot sa MPL ID S10.
Pagsasalin ito sa sulat ni Redzi Arya Pratama ng ONE Esports ID.
BASAHIN: Aminado si DeanKT na hindi deserve ng EVOS Legends na makapasok sa MPL ID S10 playoffs
