Napakagandang panoorin ng Lunox ni Exort!
Nasaksihan ito nang talunin ng Nexplay Esports ang ONIC Philippines as Week 6 ng Mobile Legends: Bang Bang Professional League PH Season 7 (MPL PH).
Si Dexter “Exort” Martinez, na isa sa mga key players ng Nexplay Esports, ay nagpamalas ng napakatinding Lunox performance sa Game 3 laban sa squad na pinamumunuan ni Ryo.
Lunox ni Exort ang susi sa pamamayagpag ng Nexplay Esports
Sa Game 3, na-lock in ng team ang karamihan sa kanilang mga comfort picks – Roger, Benedetta, Khufra, Chou, at Lunox.
Ang line up na ito ang nagbigay sa kanila ng lamang sa early game, na nagresulta sa 11-1 na lamang sa loob lamang ng pitong minute, at karamihan ng kills ay galing kay Exort.
Dahil dito, hindi nagawa ng ONIC Philippines na mag-push ng kahit anong tower sa buong match. Nakuha ng Nexplay Esports ang ikalawang Lord sa 14-minute mark na walang masyadong palag mula sa kalaban, at nakuha nila ang panalo sa score na 24-7.
Nakuha ni Exort ang MVP na may kahanga-hangang 9/1/8 KDA at 71% kill participation.
Matapos ang nakakabilib na performance, tabla na Nexplay Esports sa Omega Esports na may 17 points sa Group B standings.
