Nakamit ng Mobile Legends: Bang Bang esports ang isa na namang nakakabilib na milestone.
Noong May 11, ang grand final series sa pagitan ng Pilipinas at Indonesia sa 32nd Southeast Asian Games (32nd SEA Games) ay bumasag ng mga records at nagtakda ng bagong pamantayan para sa mga female esports events.
Ayon sa Esports Charts, ang event ay opisyal na ngayong most-watched na female esports event, na nalagpasan ang record ng Mobile Legends: Bang Bang Women’s Invitational 2022 (MWI 2022) noong nakaraang taon.
Mahigit isang milyong fans ang tumutok upang panoorin ang dalawa sa pinakamalakas na regions sa 32nd SEA Games MLBB women’s division
Ang grand final series sa pagitan ng Pilipinas at Indonesia ay nakakuha ng kahanga-hangang peak viewership na 1.36 milyong mga manonood.
Ang bilang na ito ay nangangahulugan ng 348% na pagtaas mula sa nakaraang record na naitala ng MWI 2022, na mayroon lamang na 392,405 peak viewers.
Ito ay sumunod matapos isama ang women’s division sa taong ito ng multi-sport competition, ilang taon lamang matapos ang pagpasok ng MLBB sa kanyang roster ng mga esports events.
Ang series ay talga namang lubos na kapanapanabik, kung saan ang Indonesia ang nagwagi sa isang dikit na labanan sa best-of-five showdown laban sa Pilipinas.
Ang community casting ay isang malaking kadahilanan sa napakalaking viewership, kung saan ang event ay nai-stream sa maraming mga channel ng MLBB content creators.
Ang opisyal na YouTube at TikTok channels ng MPL Indonesia ay nag-stream din ng kaganapan, na nagdagdag ng malaking tulong sa kabuuang viewership.
Para sa iba pang balita at guides tungkol sa gaming at esports, i-like at i-follow ang ONE Esports Philippines sa Facebook.
