Nalalapit na ang pagtatapos ng kauna-unahang season ng Mobile Legends: Bang Bang Development League Philippines (MDL PH).
Matapos ang anim na linggong regular season, magtatagisan na muli ng husay ang anim na koponang aabante sa MDL PH Season 1 playoffs, na nakatakdang iraos simula ika-21 hanggang ika-23 ng Abril.
Narito ang lahat ng kailangan niyong malaman tungkol sa MDL PH Season 1 playoffs, gaya ng format, schedule, resulta, at saan ito mapapanood.
- Ito raw ang sinabi ni OhMyV33nus sa Nexplay EVOS matapos silang talunin nito
- Demosyon sa MDL daw ang nag-udyok kay RSG Slate PH Irrad na makabalik ng MPL
Format ng MDL PH Season 1 playoffs
Mula sa 10 koponan noong regular season, anim na lang ang magpapatuloy na maglabas ng lakas sa MDL PH Season 1 playoffs.
Rekta sa semifinals ng single-elimination bracket ang top seed ng parehong pangkat—GameLab mula Group A at ECHO Proud mula Group B.
Kakalabanin nila ang magwawagi sa unang round. Para sa bracket ng GameLab, maglalaban muna ang Blacklist Academy at RSG Ignite. Samantala, BREN Euphoria Esports at Smart Omega Neos naman ang maghaharap sa bracket ng ECHO Proud.
Best-of-three ang lahat ng laban, maliban sa grand final na best-of-five.
Schedule at resulta ng MDL PH Season 1 playoffs
Quarterfinals
Abril 21 (Biyernes)
| KOPONAN | RESULTA | KOPONAN |
| Blacklist Academy | 2 — 0 | RSG Ignite |
| BREN Euphoria Esports | 2 — 1 | Smart Omega Neos |
Semifinals
Abril 22 (Sabado)
| KOPONAN | RESULTA | KOPONAN |
| GameLab | 2 — 0 | Blacklist Academy |
| ECHO Proud | 2 — 0 | BREN Euphoria Esports |
Grand finals
Abril 23 (Linggo)
| KOPONAN | RESULTA | KOPONAN |
| GameLab | 1 — 3 | ECHO Proud |
Saan mapapanod ang MDL PH Season 1 playoffs?
Maaaring subaybayan ang mga laban sa mga opisyal na social media pages ng MDL Philippines:
Para sa karagdagang esports balita, guides, at highlights, i-follow lang ang ONE Esports Philippines sa Facebook.
BASAHIN: BLCK vs OMG sa MPL PH Season 11 playoffs sementado na
