Ang mga pinakamahuhusay na MLBB players sa Indonesia ay dalawang linggo nang naglalaban sa MPL ID Season 9. Ilan sa mga matches ay natapos ayon sa inaasahan ng mga tao, ngunit ang ilan ay gumulat sa marami.
Narito ang review ng MPL ID Season 9 matches nitong nakaraaang linggo.
MPL ID Season 9 Week 2 recap
February 25 — Friday
| TEAM | SCORE | TEAM |
| Aura Fire | 2-0 | ONIC Esports |
| Alter Ego | 0-2 | Rebellion Zion |
Nagbukas ang ikalawang linggo nang may kaliwa’t kanan na surpresa. Nangunguna ang Aura Fire na tumalo sa defending champions na ONIC Esports sa isang mapangwasak na 2-0. Ang tagumpay na ito ay bunga ng matinding performance ng kanilang mga players, lalo na si Kabuki na gumamit ng Fanny.
Sa sumunod na game naman ay ginulantang ni Jiisaa ang buong Indonesian MLBB universe matapos ihatid ang unang panalo ng Rebellion Zion sa MPL ID Season 9 nang makaharap nila ang Alter Ego.
February 26 — Saturday
| TEAM | SCORE | TEAM |
| Bigetron Alpha | 1-2 | Aura Fire |
| Geek Fam ID | 0-2 | EVOS Legends |
| ONIC Esports | 2-0 | RRQ Hoshi |
Sa ikalawang araw ay patuloy ang pag-arangkada ng Aura Fire nang talunin nila ang Bigetron Alpha sa score na 2-1. Muling nabigo ang Geek Fam na makakuha ng puntos matapos makatikim ng talo sa kamay ng EVOS Legends.
Buhay na buhay naman ang audience sa huling match tampok ang RRQ Hoshi at ONIC Esports. Ibang iba sa kanilang performance noong naunang araw ang mga kampeon kung saan kinuha ni Sanz ang jungler position, na nagresulta sa kanilang matamis na panalo sa score na 2-0.
February 27 – Sunday
| TEAM | SCORE | TEAM |
| Geek Fam ID | 0-2 | Rebellion Zion |
| Bigetron Alpha | 0-2 | RRQ Hoshi |
Dalawa sa mga panghuling teams noong nakaraang season ang unang naglaban sa huling araw ng linggo, at tulad ng inaasahan ng marami, nangibabaw ang mainit na Rebellion Zion upang kunin ang panalo sa match na ito.
Sa kabilang banda, nakabawi naman ang RRQ Hoshi sa kanilang hindi magandang performance noong nagdaang araw nang makaharap nila ang Bigetron Alpha. Tinapos ng mga runners-up ng nakaraang season ang series sa score na 2-0.
Para sa iba pang balita tungkol sa gaming at esports, i-like at i-follow ang ONE Esports Philippines sa Facebook.
Ang kathang ito ay isang pagsasalin mula sa orihinal na akda.
