Ipagpapatuloy nina Carlito “Ribo” Ribo Jr. at Joshwell “Iy4knu” Manaog ang ikalawang kabanata ng kanilang makukulay na MLBB karera sa darating na MDL Philippines Season 1 sa puder ng ZOL Esports.
Sasandalan ng koponan ang malalalim na karanasan nina Ribo (na ngayon hahawakan ang IGN na “Dii Ribo”) at Iy4knu para maulit sa MDL ang tagumpay na nagpaingay sa kanilang pangalan sa amateur eksena.
Kamakailan, natunghayan ng mga miron ang tindig ng ZOL nang makalawit nila kampeonato ng GG Truck event, at makarating sa Grand Finals ng MP Tournament at Sneaky Team Tournament noong Oktubre at Nobyembre.
Lineup ng ZOL Esports para sa MDL PH Season 1
- Carlito “Dii Ribo” Ribo
- Andrei “FOLKMARR” Nablo
- Lei Archie “lei good kid” Labigan
- John Clarence “Milktea” Cabaron
- Mario Chinoval “Raizel.”Solana
- Ryan Michi “RayL” Asaoka
- Luke Andrei “Lucas” Reodica
- Joshwell Christian “Iy4knu” Manaog
- Coach Paul Lennon “Yesh” Valenzuela
Bubuksan ni Ribo at Iy4knu ang kanilang kampanya sa developmental league kontra sa matikas na BREN x Euphoria sa February 15.
Sundan ang bakbakan sa MDL PH sa pag-like at pag-follow sa Facebook ng ONE Esports Philippines!
BASAHIN: Kumpletong roster ng Gamelab para sa MDL PH S1, inilabas na
