Ang best Valorant settings para sa performance, ayon sa isang Riot dev

Laging naghahanap ng extra edge sa laro ang mga Valorant players, sa pagkakaroon man ng mas mataas na refresh rate monitor o pag-optimize ng settings sa laro para sa mas mataas na frames per second.

Pero pagdating sa best Valorant settings, dalawang bagay lang ang dapat pagtuunan–ang performance at system latency. Tinutukoy ng perforamance ang bilang ng frames per second (FPS) na mayroon ka habang ang system latency naman ay tungkol sa kung gaano katagal napa-process at lumalabas sa screen ang iyong actions sa laro.

Ininterbyu ng Hitscan ang mismong senior principal software engineer ng Riot Games at Valorant tech lead na si Marcus “Nu” Reid para makakuha ng mas maiging performance at mas mababang system latency maging ang ilang rekomendasyon para sa parehong high- at low-end setups.

Best Valorant settings para sa performance

Narito ang best Valorant settings para sa perforamance ayon kay Nu. Isinama lang namin ang settings na may pinakamalaking impacy sa performance at depende sa iyong system configuration, wala ka masyadong makikitang pagkakaiba kapag in-adjust mo ang settings na wala sa listahan na ‘to.

Sa labas ng Valorant, dapat mo ring i-set ang iyong Windows power plan sa High.

“This is most relevant if you’re playing on a laptop with battery, but sometimes you might see your CPU run a little slower if you haven’t set it to High,” saad ni Nu.

Ni-rekomenda rin niya na tignan kung naka-off na ang V-Sync sa inyong graphics driver control panel dahil pwede nitong i-override ang inyong settings sa Valorant.

Display mode

Sa kasalukuyang patch, sinabi ni Nu na makakakuha ka ng mas magandang latency sa Fullscreen mode kaysa sa Windowed Fullscreen. Sa patch 4.01, nagdadagdag ng 9.5ms sa system latency ang Windowed Fullscreen mode habang ang pag-turn ng iyong settings mula sa Low patungong High ay nagdadagdag lamang ng 1.3ms.

Mag-iiba ito ng kaunti depende sa iyong hardware, pero malaki pa rin ang epekto ng Windowed Fullscreen mode sa system latency, ayon kay Nu.

“We actually have some upcoming work that we tested on PvE recently that should bring Windowed Fullscreen much closer to Fullscreen,” ani niya.

Graphics quality

Pagdating sa graphics settings, tungkol naman ito sa pag-balance ng ilang goals na gusto mo.

“You want to make the game look as good as it can, run at the highest frame rate possible, and have the lowest system latency,” sabi ni Nu. “Sometimes those goals are aligned, but sometimes they’re in conflict.”

Ang pinakamababang specifications para sa Valorant ay naka-base sa laptop noong 2012 na may integrated graphics, ayon sa Valorant tech lead. Ang mga makinang iyon ay nakatali sa overall graphics performance kaya naman ang pag-turn ng lahat sa low ay pagagandahin ang iyong overall experience.

“However, if you have newer hardware like a GPU from the last three to five years, you’re getting closer to a situation where the slowest thing in the game is actually running the game simulation on your CPU,” added Nu.

“In that case, you don’t have to worry too much about the graphics settings and can turn everything up. The GPU will do a little more work, but you’re probably not going to see a big FPS hit.”

Sa katunayan, sinabi ni Nu na kung mayroon kang tulad ng NVIDIA GeForce RTX 3080 o kahit GeForce RTX 2070, walang tangible increase sa FPS ang pagpapababa ng Material, Texture o UI Quality.

Para mahanap ang balanse sa pagitan ng performance at visuals, nirerekomenda ni Nu na itakbo ang Material Quality sa High kasama ng anti-aliasing sa MSAA 4x at 8x anisotropic filtering. Kung kayang i-handle ‘to ng iyong system, ang settings na ito ang swak para magandang tignan ang iyong gun skins.

Para naman sa raw performance, pwede sa lower-end machines ang pag-turn off sa Experimental Sharpening, Bloom at Distortion, pero wala masyado itong epekto sa mga higher-end.

“When you’re in a match with nine other players and abilities are being used, the CPU is going to be the thing that is the bottleneck, not the graphics card,” paglilinaw ni Nu.

Kung titignan, may isang setting na may impact sa CPU performance at ito ang detail quality. Maaari kang makakita ng slight improvement sa performance ‘pag pinababa mo ito kahit na mayroon kang high-end system.

FPS limiter

Isang matter of preference ang paggamit ng FPS limiter. “It’s going to depend on your hardware and whether you can accept a variable frame rate,” wika ni Nu. “If you’re playing on a lower-end machine that can’t quite keep up at 60fps, some players like to lower the settings so their system can maintain a more stable frame rate.”

Gayunpaman, kung mayroon kang machine na kayang pumalo sa 200 hanggang 300 fps, hindi masyadong masakit ang ilang pagkakaiba sa frame rate. “I typically keep mine capped at 240 or 300fps,” dagdag ni Nu.

“I don’t use V-Sync or an external frame rate limiter. I have had issues in other games where I had to limit my frame rate, and there are a bunch of tools that can do that, but it’s generally better if it’s in the game and engine,” paliwanag niya.

Multi-threaded Rendering

Ang option na ito ay idinagdag para mag-benefit sa mga players na may mas malakas na CPU at GPU. “In a nutshell, it takes all the rendering work that the game does on the CPU and spreads it across two cores instead of just one,” sabi ni Nu.

“There should be no visual differences and it should just be a performance win.”

NVIDIA Reflex

Maraming nakakaapekto sa iyong overall system latency kabilang na ang delay sa pagitan ng pag-click mo sa mouse at pag-register nito onscreen, game engine latency at ang oras na ginugugol para lumabas ang frames sa render queue.

Pinapababa ng NVIDIA Reflex ang kabuuang latency sa pamamagitan ng pagtulong sa CPU at GPU na mag-communicate nang mas maigi. Nilalagpasan nito ang render queue kaya hindi kailangan ng frames na hintayin ang kanilang turn para ma-display. Mas mabilis mo ring nakikita ang mga kalaban na pwedeng makabawas ng peeker’s advantage.

“Reflex is basically a free win,” saad ni Nu. “The graphics driver in the game does some coordination to try and feed the GPU at the last possible moment, so it helps the game sample input closer to the point where the game is actually sending the new scene over to the GPU for rendering.”

Ang ikalawang Reflex + Boost option ay nagdadadag ng mas maraming optimizations sa CPU-bound rendering scenarios at pinupwersa ang iyong GPU na taasan ang clock speeds nito para sa mas magandang performance.

Ito ang preferred settings ni Nu. Lahat ng may at least NVIDIA GeForce GTX 900 series card ay pwedeng gamitin ito at walang kahit anong downside dito.

Para sa kabuuang guide ni Nu sa pagbawas ng system latency sa Valorant, maaari niyong panoorin ang video sa ibaba.

Base ito sa artikulo ni Wanzi Koh ng ONE Esports.