Ang Esports Fight Club, isang Verasity company, ay makikipag-partner sa Valorant Champions Tour 2021 (VCT) bilang official platform ng Southeast Asia para sa Valorant Challengers. Sakop ng regional partnership ang Malaysia, Singapore, Thailand, Indonesia, at Philippines.
Ang international esports at tournament platform ay makikipagtulungan sa mga licensed operators sa SEA, tulad ng The Gaming Company para sa Malaysia at Singapore, Mineski Global para sa Philippines, ESL Asia para sa Thailand, at 1UP Gaming para sa Indonesia.
Layunin ng Esports Fight Club na mapaganda ang user experience sa tournament
Sa tulong ng patented technology na tinatawag na “Proof of View”, layunin ng ng Esports Fight Club na alisin ang fraud mula sa mga bots at non-human traffic upang masiguro ang accurate na human viewership sa tournament. Ito ay dahil sa itinuturing nito ang VCT 2021 bilang isang pagkakataon na mas mapaganda ang existing user experience.
Dagdag pa dito, magbibigay din ang Esports Fight Club ng mga rewards tulad ng in-game credit codes, in-game items, at pati na rin physical items na pwedeng makuha ng mga viewers para sa kanilang engagement.
“This partnership is an exciting step forward for gaming,” sabi ng Founder at CEO ng Esports Fight Club at Verasity na si RJ Mark. “We have many natural synergies across this partnership with VCT, and together we can springboard gaming in terms of technology and adoption.”
Registration para sa Valorant Challengers sa SEA magsisimula sa July
Maaari nang mag-register para sa Stage 3 ng VCT simula sa July 2021 ang mga teams mula Malaysia, Singapore, Indonesia, Philippines, at Thailand. Mapapanood ng mga fans ang mga matches sa official site ng Esports Fight Club, pati na rin sa mga regional VCT Challengers partner social pages:
Nagsimula ang Valorant Challengers series sa Southeast Asia noong February, kasama dito ang Malaysia, Singapore, Indonesia, at Philippines. X10 Esports ang nanalo sa event at sila ang kumatawan sa Southeast Asia sa VCT Stage 2 Masters sa Reykjavik, Iceland.
Naglalaban-laban ang mga teams sa Valorant Champions Tour para makakuha ng Circuit Points na kakailanganin nila para mag-qualify para sa Valorant Champions event sa katapusan ng taon. Ang top 16 teams mula sa iba’t ibang sulok ng mundo ang maglalaban upang malaman kung sino ang kokoronahang kauna-unahang Valorant global champion.
