Nagsanib-pwersa ang NODWIN Gaming at Riot Games para sa Valorant Conquerors Championship. Nakatakda silang mag-host ng isang pre-qualifying tournament para sa APAC Last Chance Qualifiers para sa India at South Asia bilang bahagi ng 2021 Valorant Champions Tour.
Mga kailangang malaman tungkol sa Valorant Conquerors Championship
Maglalaban-laban ang mga teams sa ilang sub-regional qualifiers para sa prize pool na US$33,000 sa South Asian leg ng Valorant Conquerors Championship. Magsisimula ang registration sa June 15, 2021.
Ang Valorant Conquerors Championship ay magkakaroon ng anim na qualifiers
- India
- Pakistan & Afghanistan
- Sri Lanka & Maldives
- Bangladesh
- Nepal & Bhutan
- Wildcard
Bawat qualifier ay magkakaroon ng nakatakdang bilang ng slots para sa registration, na susundan ng online qualifying matches.
Ang mga teams na magku-qualify sa Valorant Conquerors Championship ay maglalaban-laban sa playoffs papuntang grand final. Ang mananalo ay lalaban sa APAC Last Chance Qualifier, kung saan makakaharap nila ang mga teams mula Southeast Asia, Korea, at Japan.
Ang mananalo sa APAC Last Chance Qualifier ay uusad papuntang Valorant Champions Tour, ang global final kung saan isa sa mga teams ang kokoronahan bilang 2021 champion.
Handa na ang India at South Asia para maging bahagi ng international Valorant esports scene
Napansin ng NODWIN Gaming at Riot Games ang mabilis na paglaki ng South Asia Valorant esports scene, kaya’t nagbigay sila ng daan patungo sa global esports circuit.
Layunin ng tournament na bigyan ang South Asia ng maayos na representation sa mga darating na international competitions.
“A representation in the Last Chance Qualifier is much deserved, looking at the richness of the community and the amount of buzz it has created in the last year,” sabi ng MD at Co-Founder ng NODWIN Gaming, si Mr Akshat Rathee.
“We at Riot Games have been listening to our fanbase in South Asia and the growing demand to include the region in our VCT 2021 roadmap,” sabi ng Publishing Leader for Riot Games in India and South Asia, si Sukamal Pegu. “This is our first step in unlocking esports for the region.”
Para sa iba pang detalye, magpunta sa website ng NODWIN Gaming, o i-follow ang kanilang social media pages (Facebook, Instagram, Twitter) para sa mga updates.
