Handa nang mag-compete ang North American esports organization na Evil Geniuses sa pagdating nina Daniel “roca” Gustaferri, Brandon “Branted” Ballard, at Mike “Pho” Panza sa kanilang team
Sinamahan ng trio ang EG team captain na si Christine “potter” Chi at Nolan “Temperature” Pepper bago ang simula ng VCT North America Stage 3 competition.
Sa pag-overhaul ng kanilang Valorant roster, nagdesisyon ang North American team na magpaalam kina Aleksandar “aleksandar” Hinojosa, Claudia “Clawdia” Che, at Ronan “Osias” Javelona.
Sa pag-alis ni Clawdia, si potter na lang ang nag-iisang babae sa mixed-gender roster ng Evil Geniuses.
Valorant roster ng Evil Geniuses para sa VCT North America Stage 3
- Daniel “roca” Gustaferri
- Brandon “Branted” Ballard
- Mike “Pho” Panza
- Nolan “Temperature” Pepper
- Christine “potter” Chi (captain)
“Based on our team’s performance over the first two Stages of VCT, we felt changes were necessary to progress towards the level of success expected at EG,” sabi ni General Manager Andrew Barton sa official announcement ng Evil Geniuses.
“Moving forward, after significant scouting, trialing, and testing, we believe we have assembled a team that can adapt with the evolving Valorant meta.”
Nakatutok ang atensyon ng Valorant roster ng Evil Geniuses sa darating na VCT North America Stage 3 Open Qualifiers na gaganapin mula July 1 hanggang 4.
Ang lahat ng teams sa rehiyon ay ninanais mag-qualify para sa VCT Stage 3 Masters Berlin sa pag-asang makakuha ng mas maraming VCT circuit points na makakatulong naman sa kanilang mag-qualify para sa Valorant World Championship tournament ng Riot Games sa katapusan ng taon.
Ang EG debut nina Pho, roca, at Branted
Unang naglaro ang bagong roster sa Nerd Street Gamers 2021 June Open Qualifier, kung saan kasali ang mga up-and-coming teams mula sa North American region.
Ang Valorant roster ng Evil Geniuses ay kasalukuyang lumalaban sa NSG 2021 Summer Championship. Ang tournament ay gaganapin hanggang June 30.
