Wala sa eksena ng professional esports si Sinatraa simula ng pagbintangan siya ng kaniyang ex-girlfirned na si Cleo Hernandez ng alleged sexual assault noong March 2021.
Ngayon, tatlong buwan na ang nakalipas sa imbestigasyon, naglabas na ng opisyal na competitive ruling ang Riot Games tungkol sa suspension. Sinabi nito na nilabag ni Jay “Sinatraa” Won ang Rule 8.1 ng Valorant Global Competition Policy dahil hindi siya maayos na nakipag-ugnayan sa imbestigasyon ng Tournament Operator.
Ipinaliwanag ng Riot Games ang kanilang competitive ruling sa suspension ni Sinatraa
Matapos lumabas ang balita tungkol sa sinasabing sexual assault na ginawa ni Sinatraa, nakipag-partner ang Competitive Operations Team sa Riot Games para magsagawa ng objective at neutral na fact-gathering examination na gusto malaman kung ang kilos ni Sinatraa ay labag sa Valorant Champions tour (VCT) Global Competition Policy.
“While the investigation did not come to a definitive conclusion on the underlying allegations, the Competitive Operations team had serious concerns with Sinatraa’s conduct during the course of the investigation,” paliwanag ni Alex Francois, Head of Competitive Operations para sa Valorant Esports.
“It was determined that, on at least two occasions, Sinatraa misrepresented certain facts, made false statements, and did not cooperate with the investigation in a way expected of a professional Valorant esports player.” dagdag ni Francois.
“Sinatraa’s public commitment on social media to provide the full audio and video clip referenced in the original post was never fulfilled.”
Ngayon ang kasalukuyang imbestigasyon ng mga law enforcement sa sexual assault na alegasyon ay magpapatuloy.
Ang sagot ni Sinatraa sa imbestigasyon
Ibinahagi ni Sinatraa sa TwitLonger na ginamit niya and dalawang huling buwan ng suspension sa pag-iisip kung paano siya magiging mas mabuting tao.
“I’ve been reflecting a ton during the downtime and know how much I hurt Cleo emotionally and I’m truly sorry about it. I will learn from my mistakes and keep on trying to improve myself as a person.”
Sa kaniyang pagsagot sa investigation statement ng Riot Games, ipinaliwanag niya na wala siyang pagmamay-ari sa video/audio na ginamit ni Cleo Hernandez sa kaniyang statement.
“After our relationship ended, she had asked me to delete the video and I honored that. I’ve never even imagined a situation like this so when it all happened I didn’t know whether to just spill out my side or not.”
“As we were drafting up an update with the legal PR team we had added that I would provide the video because we genuinely thought that the video would have to be shared in full since it’s a key part in the investigation,” sabi ni Sinatraa.
“However that did not happen and I should not have promised something I could not personally deliver.”
Ibinahagi rin ng pro player na ipinagbabawal pa siya sa competitive play ng karagdagang apat na buwan dahil sa suspension. Gusto niyang gamitin ang oras na ito para makabuo ng mas mabuting interpersonal skills at makuha ulit ang tiwala ng komunidad.
Ano na ang mangyayari kay Sinatraa?
Dahil sa kaniyang paglabag sa Rule 8.1 ng Valorant Global Competitive policy, siya ay suspendido nang anim na buwan na nagumpisa noong March 10, 2021, noong lumabas ang mga alegasyon.
Matatapos ang suspension sa September 10, 2021 sa pagtapos ng Stage 3 Challenger season at ng final Masters event. Siya ay maaring bumalik para sa Last Chance Qualifiers at Valorant Champions tournament pagkatapos ng suspension niya.
Kailangan rin tapusin ni Sinatra ang professional conduct training ng riot bago makabalik sa professional Valorant scene.
