Ilang araw bago magsimula ang VCT North America Stage 3 Challengers 1 Open Qualifiers, nakumpleto ang Valorant roster ng TSM FTX sa pagsali ni Sean “bang” Bezerra.
Ang 17-year-old player ay papalit kay Stephen “reltuC” Cutler, na naalis sa active lineup matapos hindi mag-qualify ng TSM FTX Valorant roster para sa VCT Stage 2 Masters Reykjavik.
Valorant roster ng TSM FTX
- James “hazed” Cobb
- Matthew “Wardell” Yu
- Yassine “Subroza” Taoufik
- Taylor “drone” Johnson
- Sean “bang” Bezerra
- Chet “Chet” Signh (coach)
Maraming binago ang organisasyon sa roster nitong nakaraang apat na buwan. Naunang kinuha ng team si Braxton “brax” Pierce bilang sixth member noong March.
Nagpaalam din ang team kay coach Taylor “Tailored” Broomall at ipinalit si Chet, na dating coach ng NRG Valorant roster.
Bago ang simula ng VCT NA Stage 3 Challengers Open Qualifiers, muling kinuha ng T1 si Brax, na nagbukas ng posisyon para makasali si bang sa TSM FTX.
Anong maiaambag ni bang sa TSM FTX Valorant roster?
Sa announcement video ng TSM FTX, ipinaliwanag ni coach Chet kung paano mapapaganda ni bang ang Valorant roster ng TSM FTX at kung bakit mas nababagay sya sa team kaysa kay Brax.
“We needed someone more aggressive. We needed someone young to help build up motivation. He brings in so much more, like comms, he talks a lot, he entries hard, and he has fresh ideas. Overall it was a better transition,” sabi ni Chet.
Si bang ay nakapaglaro na para sa Phoenix1, Team Serenity, at On The Way Esports sa mga nakaraang VCT qualifier competitions at online North American Valorant tournaments.
Ang bagong Valorant roster ng TSM FTX ay unang masasaksihan sa VCT North America Stage 3 Challengers 1 Open Qualifier sa July 1.
