Nagdesisyon si glow ng Vision Strikers na mag-retire mula sa Valorant professional play sa edad na 33. Inanunsyo ito dalawang linggo matapos hindi palarin ang Vision Strikers na mag-qualify para sa VCT Stage 2 Masters tournament sa Reykjavik, Iceland.
Ang dahilan ng pagre-retire ni Vision Strikers glow
Binanggit ni Vision Strikers Kim “glow” Min-soo na ang tagumpay ng kaniyang team ay bunga ng matinding pasensya at sipag. Ngunit may mga bagay siyang napagtanto sa simula ng Valorant Champions Tour 2021 season.
“My time as a player was coming to an end and I myself felt this the most especially over Challengers 1, and Challengers 2, where we ended up shocking a lot of people with our loss and where I felt that my ceiling as a player was at its limit,” sabi ni glow.
Sinabi ni Vision Strikers glow na malaki ang agwat ng kanyang edad sa kanyang mga teammates. Ang sumunod na pinakamatanda sa Vision Strikers ay si Kim “stax” Gu-taek, na 21 anyos lamang.
Nabanggit din ng 13-year veteran na kasama sa mga dahilan ng kaniyang desisyon ay ang kaniyang edad. “Taking into consideration my age and the future success of our team, I think that this is the right time for me to retire.”
“While I took on the role of the in-game leader on this team, I am grateful to my teammates who didn’t treat me any differently despite our huge age gap, and will reminisce about my time on this roster with fond memories.”
Anong susunod para sa Vision Strikers ayon kay glow
Naniniwala si glow na mas gagaling at mas lalaki pa ang Vision Strikers, bilang isang oraganisasyon na mangunguna hindi lang sa domestic scene, kundi pati na rin sa international stage.
“Although it is disappointing that we failed to qualify for Iceland in Challengers 2, the players will take this time to meticulously reflect on everything and will win another championship eventually. I sincerely hope that the players will be able to achieve that goal,” ibinahagi glow.
Paano narating ni Vision Strikers glow ang tuktok ng Valorant esports scene
Kasama si glow, nangunguna ang Vision Strikers sa Korean Valorant esports scene magmula nang ma-release ang game noong June 2020. Nanalo ang team sa lahat ng tournament na kanilang sinalihan, maliban sa VCT 2021 Korea Stage 2 Challengers.
Vision Strikers din ang nagtalaga ng kahanga-hangang record na 104 straight wins sa official matches at walang series na ipinatalo, hanggang sa tapusin ito ng F4Q nang talunin sila sa VCT Stage 2 Challengers.
Vision Strikers Valorant roster
- Kim “stax” Gu-taek
- Goo “Rb” Sang-Min
- Lee “k1Ng” Seung-won
- Kim “Zest” Gi-seok
