Masasaksihan sa unang pagkakataon ang League of Legends: Wild Rift bilang isang medal event sa esports category ng 31st Southeast Asian Games na kasalukuyang ginaganap sa Hanoi, Vietnam.
Hinati ang SEA Games Wild Rift tournament sa men’s at women’s division na parehong sinalihan ng Sibol, ang national esports team ng Pilipinas.
Irerepresenta ng GrindSky Eris ang Pilipinas sa women’s division matapos nilang pangibabawan ang national team selection noong Pebrero. Binubuo ang koponan nila Christine Ray “Rayray” Natividad (captain-midlaner), Charize Joyed “Yugen” Doble (ADC), Giana Joanne “Jeeya” Llanes (support), Rose Ann Marie “Hell Girl” Robles (baron), April Mae “Aeae” Valiente (jungler) at Angel Danica “Angelailaila” Lozada (jungler, substitute).
Makakaharap ng Sibol sa SEA Games Wild Rift women’s division ang host nation Vietnam (na kakatawanin ng VGaming Ladies), Thailand (Space Gamer Kallyx), Singapore (Team OK) at Laos (Team EVO).
Narito ang iba pang mga detalye patungkol sa 31st SEA Games Wild Rift women’s division.
Schedule at mga resulta sa 31st SEA Games Wild Rift women’s division
| MEDAL | BANSA |
| GOLD | Pilipinas |
| SILVER | Singapore |
| BRONZE | Thailand |
Group Stage – May 17 (Martes)
Standings
| KOPONAN | RECORD |
| Pilipinas | 4-0 |
| Vietnam | 3-1 |
| Singapore | 2-2 |
| Thailand | 1-3 |
| Laos | 0-4 |
Mga laban
| KOPONAN | SCHEDULE/RESULTA | KOPONAN |
| Vietnam | 1 – 0 | Laos |
| Pilipinas | 1 – 0 | Thailand |
| Laos | 0 – 1 | Thailand |
| Pilipinas | 1 – 0 | Singapore |
| Laos | 0 – 1 | Singapore |
| Vietnam | 1 – 0 | Thailand |
| Laos | 0 – 1 | Pilipinas |
| Singapore | 0 – 1 | Vietnam |
| Vietnam | 0 – 1 | Pilipinas |
| Singapore | 1 – 0 | Thailand |
Playoffs – May 18 (Miyerkules)
Semifinals
| KOPONAN | SCHEDULE | KOPONAN |
| Pilipinas | 3-1 | Thailand |
| Vietnam | 0-3 | Singapore |
Bronze medal match
| KOPONAN | SCHEDULE | KOPONAN |
| Thailand | 3-1 | Vietnam |
Gold medal match
| KOPONAN | SCHEDULE | KOPONAN |
| Pilipinas | 3-0 | Singapore |
Format ng 31st SEA Games Wild Rift women’s division
Screenshot ni Jeremiah Sevilla/ONE Esports
Hahatiin ang 31st SEA Games Wild Rift women’s division sa dalawang bahagi–ang group stage at playoffs.
Ang limang kasaling koponan ay magbabakbakan sa isang single round-robin format sa group stage. Aabante ang top four teams sa playoffs habang ang bottom squad ay matatanggal sa torneo.
Lahat ng serye sa playoffs (semifinals, bronze medal match at gold medal match) ay best-of-five.
Saan mapapanood ang 31st SEA Games Wild Rift women’s division
Mapapanood ang mga bakbakan sa opisyal na YouTube channel ng 31st Southeast Asian Games. Maaari niyong abangan ang mga update sa Facebook page ng Sibol para sa Wild Rift women’s squad ng Pilipinas.
Ayon sa kilalang Wild Rift caster na si Autolose, may initial development na magkakaroon ng Filipino broadcast. Ngunit sa kasamaang palad ay hindi na ito matutuloy dahil hindi pumayag ang SEA Games organizing body, ayon sa isa pang kilalang caster na si Shinboo.
Maaari niyong i-like at i-follow ang ONE Esports Philippines sa Facebook para sa mga balita at istorya patungkol sa Sibol national esports team sa 31st SEA Games.
