Matapos ang blockbuster success ng Jujutsu Kaisen 0 sa Japan, handa nang ipalabas sa buong mundo ang sikat na anime film. Binasag ng pelikula ng MAPPA ang record ng Evangelion: 3.0 +1.0 Thrice Upon a Time pagdating sa benta.
Magkakaiba ang petsa kung kailan ipalalabas ang Jujutsu Kaisen 0. Wala pang opisyal na announcement ukol sa mga bansa gaya ng Pilipinas, India, Myanmar, at Thailand kung ipalalabas ba ito sa kanilang sinehan.
Narito ang mga detalye tungkol sa petsa, oras, at bilihan ng ticket para sa Jujutsu Kaisen 0.
Kailan ipalalabas ang Jujutsu Kaisen 0
Ipalalabas ang Jujutsu Kaisen 0 sa United States, Canada Singapore, at ibang parte ng Southeast Asia.
| PETSA | BANSA AT REHIYON |
| Disyembre 24, 2021 | Japan |
| Pebrero 17 | South Korea |
| Marso 10 | Singapore, Malaysia, Brunei |
| Marso 16 | France, Indonesia, Mongolia |
| Marso 17 | Australia, New Zealand |
| Marso 18 | United States (USA), Canada, South Africa, United Kingdom, Ireland |
| Marso 24 | Brazil, Mexico, Argentina |
| Marso 29 | Germany, Switzerland, Austria |
| TBA | Vietnam, Cambodia, Saudi Arabia |
| Hindi pa kumpirmado | Philippines, India, Myanmar, Thailand |
(I-a-update pa.)
Saan makakabili ng tickets para sa Jujutsu Kaisen 0
Nagsimula ang ticket sales para sa Jujutsu Kaisen 0 noong ika-23 ng Pebrero, sa ganap na ikatlo ng hapon sa Singapore. Makakabili ng ticket mula sa website ng Golden Globe Village Pictures.
Para naman sa mga JJK fans na nasa USA, nagsimula ang ticket sales noong ika-25 ng Pebrero.
Narito ang listahan kung saan maaaring makabili ng tickets para sa Jujutsu Kaisen 0.
| COUNTRY | WHERE TO BUY JUJUTSU KAISEN 0 TICKETS | TICKET SALES START DATE |
| Singapore | Golden Village Pictures | February 23, 3 p.m. SGT |
| Malaysia | TGV Cinemas | Fan screening tickets available now, regular movie tickets TBA |
| Brunei | TBA | TBA |
| France | TBA | TBA |
| Indonesia | TBA | TBA |
| United States (USA) | TBA | February 25 |
| Brazil | TBA | TBA |
| Cambodia | TBA | TBA |
| Vietnam | TBA | TBA |
(I-a-update pa.)
Movie trailer ng Jujutsu Kaisen 0
Tungkol ang istorya ng Jujutsu Kaisen 0 kay Yuta Okkotsu, isang high-school student na minumulto ng cursed spirit ng kanyang childhood friend na si Rika Orimoto. Ang mga pangyayari sa pelikula ay ginanap bago ang unang season, kaya’t tampok dito ang mas batang Gojo Satoru na tinuturuan si Yita kung paano kontrolin si Rika.
Mapapanood ang lahat ng movie trailer ng palabas sa YouTube channel ng Toho Animation.
Staff at cast ng Jujutsu Kaisen 0
In-animate ng MAPPA ang pelikula at tampok din ang pag-direk ni Sunghoo Park. Si Park din ang direktor ng naunang anime series at kilala rin sa kanyang mga gawa sa ibang palabas gaya ng Yuri!!! on Ice at Banana Fish.
Si Yuuchi Nakamura ang magboboses kay Gojo Satoru habang si Megumi Ogata naman ang magbibigay buhay kay Yuta Okkotsu. Kasama rin ang mga voice actors na sina Kouki Uchiyama bilang Toge Inumaki, Mikako Komatsu bilang Maki Zenin, Tomokazu Seki bilang Panda, at Kana Hanazawa bilang Rika Orimoto.
Para sa karagdagang balita, features, at highlights tungkol sa anime, i-like at i-follow lang ang Facebook page ng ONE Esports Philippines.
Ito ay pagsasalin sa Filipino mula sa orihinal na akda na matatagpuan dito.
BASAHIN: Swordsmith Village Arc tampok sa Demon Slayer Season 3
