Masarap sa pakiramdam pag nanalo kayo sa Call of Duty Warzone Pacific. Pero ibang usapan pag kayo mismo ang nagtumba sa karamihan nang mga players sa lobby.
Ang mga niyembro ng FaZe Clan na sina Kris “Swagg” Lamberson at Ean “Booya” Chase, kasama sina Biffle ng Complexity at Evan “SuperEvan” Moore, ay nakatapos ng isang halimaw na 134-kill game sa Caldera map ng Warzone Pacific, kung saan ang bawat player sa kanilang squad ay nakakuha ng mahigit 30 kills.
Isang bagong Call of Duty Warzone world record ang naitala para sa Caldera Quads
Ito ang bagong world record para sa Quads playlist sa Caldera, kung saan nangunguna sa scoreboard ng team si SuperEvan na may 35 kills at 11,954 damage dealt.
Subalit ang record ng pinakamataas na bilang ng kills sa Call of Duty Warzone ay pagmamay-ari pa rin nina Aydan “Aydan” Conrad, Ben “Almond” Rosendahl, Edy “Newbz” Juan, at ScummN.
Nakapagtala sila ng tumataginting na 162 kills sa Verdansk noong March 5, 2021, na mas marami sa bilang ng mga players na nasa lobby, nangangahulugang napatay nila ang ilan sa mga ito nang dalawang beses.
Gayunpaman, nakakabilib pa rin ang bagong Warzone world record para sa Quads playlist at siguradong gugustuhin itong mahigitan ng mga top players.
Ang average lobby K/D ay nasa 0.84 lamang, at walang kahirap-hirap na nahigitan ni Swagg at ng kanyang squad ang bawat player na nakaharap nila. Bago pa man bumagsak ang mga loadout drops ay nakakuha na ng 18 kills si Swagg.
Para maitala ang bagong Warzone world record sa Caldera, gumamit si Swagg ng Cooper Carbine assault rifle na may class setup, loadout, at perks na nakalista sa ibaba:
Cooper Carbine assault rifle loadout ni Swagg
| SLOT | ATTACHMENT |
| Muzzle | MX Silencer |
| Barrel | 22″ Cooper Custom |
| Optic | G16 2.5x |
| Stock | Cooper 45RS |
| Underbarrel | M1941 Hand Stop |
| Magazine | 9mm 60 Round Drums |
| Ammunition | Lengthened |
| Rear Grip | Polymer Grip |
| Weapon Perk 1 | Tight Grip |
| Weapon Perk 2 | Fully Loaded |
Ipinares nya ito sa MP-40 submachine gun para sa pangmalapitan na laban, na sinamahan ng Cold-Blooded, Overkill, at Combat Scout perks.
Para sa iba pang balita tungkol sa gaming at esports, i-like at i-follow ang ONE Esports Philippines sa Facebook.
Ang kathang ito ay isang pagsasalin mula sa orihinal na akda.
