Directly invited ang Execration at Pacific Macta sa Phase 2 Crossfire qualifiers ng Team Sibol selection.

Isa ang Crossfire sa walong esports titles, kasama ng FIFA Online 4, Garena Free Fire, League of Legends, League of Legends: Wild Rift, PUBG Mobile, Arena of Valor, at Mobile Legends: Bang Bang, na tampok sa 2021 Southeast Asian Games na gaganapin sa Vietnam sa paparating na Mayo.

Ang mga napagtagumpayan ng Execration at Pacific Macta sa CrossFire

Kilala ang Execration at Pacific Macta bilang dalawa sa pinakamatagumpay na Crossfire teams sa bansa. Mangilang beses na nilang pinangibabawan ang lokal na eksena at naging kinatawan na rin ng bansa sa ilang international tournaments.

Noong 2018, hinirang na kampeon ng Crossfire Stars 2018 Philippine National Finals ang Execration matapos nilang walisin ang TNC Pro Team sa grand final sa iskor na 3-0.

Ang mga napagtagumpayan ng Execration at Pacific Macta sa CrossFire
Credit: Execration Crossfire

Samantala, noong 2018 din, hinirang naman na kampeon ng CrossFire Global Invitational ang Pacific Macta matapos nilang walisin din sa grand final ang North American team na Carbon. Nag-uwi ang koponan noon ng $50,000, o higit ₱25,000,000.

Ang mga napagtagumpayan ng Execration at Pacific Macta sa CrossFire
Credit: Pacific Macta Infirma

Noong nakarang taon naman, naging kinatawan din ng Pilipinas ang Execration at Pacific Macta sa CFS Funspark Arena Asian Cup.

Roster ng Execration para sa SIBOL Phase 2 Crossfire qualifiers

  • Aries Lloyd “ARSVV” Alde
  • Guillermo “CHA” Garcia
  • Justine “JAMERO” Jamero
  • Justine Reige “JUSTIN” Perez
  • Zarren Donn “ZARREN” Perez

Roster ng Pacific Macta para sa SIBOL Phase 2 Crossfire qualifiers

  • Dennis “PM_ZDD” Ramos Jr.
  • Aldrin Paul “PM_Aldrin” Borabon
  • John Kenneth “PM_zYK” Alde
  • Matthew “PM_EL1” Arnaez
  • Christian “PM_Revenge” Amorea

Nakatakdang magsimula ang unang phase ng qualifiers para sa SIBOL selection sa Sabado, ika-22 ng Enero.

BASAHIN: Top 4 teams ng MPL PH S8 imbitado sa SIBOL Phase 2 MLBB Qualifiers