Kumpleto na ang DPC SEA Tour 2 Division 2 teams matapos mapagtagumpayan ng ChubbyBoiz, UD Vessuwana, at The Apes E-Sport ang mga qualifier.
Pinagbidahan ng ChubbyBoiz at UD Vessuwan ang dalawang open qualifier. Samantala, The Apes E-Sport naman ang nangibabaw sa closed qualifier na ginanap matapos hatulan ng Valve ng permanent ban ang Team Orca.
Ang mga bagong salta na DPC SEA Tour 2 Division 2 teams
Pinalitan ng ChubbyBoiz at UD Vessuwan ang mga slots na isinuko ng InterActive.Philippines at 496 noong nakalipas na Tour.
Binubuo ng mga manlalaro mula Malaysia, Vietnam, at Singapore ang ChubbyBoiz. Pinangibabawan nila ang unang open qualifier matapos talunin ang Mongolian team na KOBOLDS at Thai team na M Y.
Mga subok na Pinoy Dota 2 players naman ang bumibida sa UD Vessuwan. Binigo nilang muli ang M Y at The Ape E-Sport patungo sa kanilang tagumpay.
Samantala, apat na koponang naka-abot sa semifinals ng ikalawang open qualifier naman ang tumampok sa closed qualifier. Wagi dito ang Indonesian squad para makumpleto ang DPC SEA Tour 2 Division 2 teams.
DPC SEA Tour 2 Division 2 roster ng ChubbyBoiz, UD Vessuwan, at The Apes E-Sport
ChubbyBoiz
(1) Wong “mks” Sim An
(2) Anwei “xsilearn” Ng
(3) Lee “X1aOyU” Qian Yu
(4) Vuong “SeeL” Thien Tai
(5) Trần “Bombi” Hoàng Minh Quý
UD Vessuwan
(1) Argle “Ken” Llesis
(2) Julius “JG” Galeon
(3) Glenard Lei “Rupido” Rugay
(4) Kryte “Luzify” Gabriel
(5) Linuel “Teehee” Abanto
The Apes E-Sport
(1) Musthofa “jikroy” Dzirky
(2) Tri Daya “MamangDaya” Pamungkas
(3) Abdalla “dalul” Putra
(4) Rifki Firdaus “Lym-” Oetomo
(5) Yukatheo “you_K” Glen
Nakatakdang ganapin ang mga laban sa Division 2 ng DPC SEA Tour 2 simula ika-14 ng Marso hanggang ika-21 ng Abril.
Para sa karagdagang balita, guides, at features tungkol sa DPC at Dota 2, i-like at i-follow ang ONE Esports Philippines sa Facebook.
BASAHIN: 3 players na dapat tutukan sa paparating na DPC 2021/2022 Tour 2
