Binuksan na ng SEGA ang kurtina sa immersive world ng Like a Dragon Infinite Wealth, na lalabas sa Enero 26, 2024.
Pinapangako ng RPG na ‘to ang isang nakakabighaning naratibo tungkol sa dalawang bida na sina Ichiban Kasuga at Kazuma Kiryu.
Sa pagpasok ng mga players sa mundo ng Hawaii, tignan natin ang lahat ng Like a Dragon Infinite Wealth characters.
Like a Dragon Infinite Wealth characters
Akane
Si Akane, ang rason ng paglalakbay ni Kasuga sa Hawaii, ang central figure na may tali sa nakaraan ni Kasuga.
Pinaniwalaan bilang biological mother ni Ichiban at patay na, naging isang importanteng character siya na nadawit sa away ng Hikawa yakuza group sa Kamurocho.
Ang pagkatuklas sa kaniyang survival ay nagdagdag ng isa pang lebel ng misteryo sa naratibo.
Yutaka Yama
Si Yutaka Yama, ang misteryosong lider ng Yamai Syndicate, ay makakabuo ng hindi inaasahang bond kay Kasuga sa Hawaii.
Tila mukhang maraming pinagdaanan si Yama dahil sa kaniyang misteryosong persona.
Sa paglahad ng kaniyang nakaraan, matutuklasan ng mga players ang mga sikreto niya.
Dwight Mendez
Si Dwight Mendez, ang pinuno ng mga Barracudas, ang may hawak na bakal sa Honolulu underworld.
Namumuno dahil sa takot sa kaniya ng mga tao, may hawak siyang machete na ginagamit niya sa kahit sinong humahamon sa kaniya.
Ang presensya ng Barracudas ay nagdaragdag ng layer ng panganib at intriga sa komplikadong dynamics ng laro.
Wong Tou
Si Wong Tou, ang ruler ng Ganzhe syndicate, ay isang makapangyarihang anyo sa Honolulu underworld.
Sa kabila ng kaniyang gentleman na panlabas, may tinatago si Wong na dahas.
Isang negosyanteng mayaman, isa siyang karibal ng mga Barracudas ni Dwight Mendez. Asahan ng mga players na maghaharap ang dalawang ito.
Bryce Fairchild
Si Bryce Fairchild, ang lider ng Palekana, isang relihiyosong grupo sa Hawaii, ay kilala dahil sa kaniyang mabait na ugali.
Dahil sa kaniyang pag-suporta sa mga homeless at pagbigay ng non-profit na serbisyo, pinagkakatiwalaan si Bryce ng mga opisyal ng gobyerno.
Kihei Hanawa
Si Kihei Hanawa, isang manager ng Daidoji faction, ang gumanap sa responsibilidad ng paghawak kay Kiryu at siya ang nagpadala sa kaniya sa Hawaii para sa isang misyon.
Sa kabila ng muntikang pagkamatay ni Kiryu, nananatili ang professional relationship ni Hanawa sa kaniyang manager.
Like a Dragon Infinite Wealth Japanese seiyuu (voice actors)
| CHARACTER | SEIYUU |
| Akane | Yoshiko Sakakibara |
| Yutaka Yamai | Takehito Koyasu |
| Dwight Mendez | Shuhei Matsuda |
| Wong Tou | Takuya Masumoto |
| Bryce Fairchild | Toru Furuya |
| Kihei Hanawa | Hiroki Tochi |
Bisitahin ang opisyal na website Like a Dragon Infinite Wealth para sa iba pang impormasyon.
BASAHIN: Bakit nangunguna ang Like a Dragon Infinite Wealth sa mga pinaka-inaabangang laro ng 2024
