Pagbibidahan ni Kiel “OHEB” Soriano ang Blacklist Academy, ang roster ng Blacklist International para sa kauna-unahang season ng Mobile Legends: Bang Bang Development League Philippines (MDL PH).
Tampok din sa naturang koponan ang mga gold medalist noong ika-31 Southeast Asian Games (SEA Games) na sina Lee Howard “Owl” Gonzales, Kyle Dominic “Dominic” Soto, at Russel Aron “Eyon” Usi. Matatandaang humalili ang tatlong manlalaro para kina OHEB at Edward Jay “Edward” Dapadap dahil sa age restriction ng nasabing palakasan.
Nauna na ring ipakilala ng organisasyon si Ian Jakob “Rindo” Seguiran matapos nitong maglaro sa SIBOL qualifier para sa ika-32 SEA Games kasama ang ngayo’y opisyal na miyembro na ng Blacklist International na si Renejay “RENEJAY” Barcarse.
- M4 world champion core ng ECHO solido pa rin para sa MPL PH S11
- Demonkite at Aqua out muna, Light gagabayan pa rin ang RSG Slate PH sa MPL PH S11
Roster ng Blacklist Academy para sa MDL PH Season 1
- Lee Howard “Owl” Gonzales
- Ian Jakob “Rindo” Seguiran
- Steve Nash “Steve” Calunuran
- Russel Aron “Eyon” Usi
- Kyle Dominic “Dominic” Soto
- Kiel “Oheb” Soriano
- Coach Lemuel “Lembot” Lucban
Gagabayan ang Blacklist Academy ng MLBB Professional League Philippines (MPL PH) veteran na si Lembot. Unang siyang bumida noong ikalawang season ng liga sa ilalim ng ArkAngel Ownage, na naging Ownage hanggang noong ika-apat na season.
Huling naglaro si Lembot sa MPL PH noong ikalimang season na ‘to sa ilalim ng STI e-Olympians.
Samantala, nakatakda namang ganapin ang unang laban ng Blacklist Academy sa MDL PH sa ika-16 ng Pebrero kontra RSG Ignite.
Para sa karagdagang esports balita, guides, at highlights, i-follow lang ang ONE Esports Philippines sa Facebook.
BASAHIN: 3MarTzy at Rafflesia nagpasiklab sa kanilang debut sa MDL ID S7
