Tatangkain ng Blacklist International na depensahan ang kanilang korona ngayong MPL Philippines Season 11 gamit ang bagong-pormang lineup.
Sasandalan ng tambalang Jonmar “OhMyV33NUS” Villaluna at Danerie “Wise” Del Rosario ang tikas ni Renejay “RENEJAY” Barcase sa EXP lane, habang pupunan naman nina Jon Redick “Super Red” Bordeos at ng dating MHRLK Esports standout na si Kenneth Carl “Yue” Tadeo ang magkasunod na gold lane at mid lane.
Mananatili sa lineup ng Blacklist ang two-time Most Valuable Player na si Edward “EDWARD” Dapadap ngunit gaganap bilang substitute katuwang ng gold laner na si Jomari David “Archer” Perez.
Samantala, kukunin ngayong season ni Aniel “MasterTheBasics” Jiandani ang head coaching position na iniwan panandalian ni Coach Kristoffer “BON CHAN” Ricaplaza. Makakatambal niya sa poste si Dexter “DEX STAR” Alaba na gaganap naman ngayong assistant coach.
Lineup ng Blacklist International para sa MPL PH S11
- Jonmar “OhMyV33NUS” Villaluna (Roam)
- Danerie “Wise” Del Rosario (Jungle)
- Renejay “RENEJAY” Barcase (EXP Lane)
- Jon Redick “Super Red” Bordeos (Gold Lane)
- Kenneth Carl “Yue” Tadeo (Midlane)
- Edward “EDWARD” Dapadap (EXP Lane)
- Jomari David “Archer” Perez (Gold Lane)
- Aniel “MasterTheBasics” Jiandani (Head Coach)
- Dexter “DEX STAR” Alaba (Assistant Coach)
Sundan ang pinakahuli sa MLBB sa pamamagitan ng pag-like at pag-follow sa Facebook ng ONE Esports Philippines!
