Matapos magpahinga mula sa MPL Philippines noong nakaraang season, magbabalik na sa roster ng Blacklist International ang dalawa sa pinaka-dekoradong players sa mundo ng Mobile Legends.

Tampok sa kalalabas lamang na Blacklist lineup para sa MPL Philippines Season 10 ang jungler-support duo na sina Danerie “Wise” Del Rosario at Johnmar “OhMyV33NUS” Villaluna na susubukang ibaling ang masalimuot na Season 9 ng team.

Credit: Blacklist International

Katuwang ng V33Wise duo, babandera sa midlane ang “KDA Machine” na si Salic “Hadji” Imam at kapwa MVPs na sina Kiel “OHEB” Soriano at Edward “EDWARD” Dapadap na babantay sa magkabilang sidelanes.

Credit: Blacklist International

Samantala, mananatili sa active lineup si Kent Xavier “KEVIER” Lopez, Dexter “DEX STAR” Alaba, at Mark “ESON” Gerardo na maaalalang pumuno ng butas na iniwan ng V33Wise noong nakaraang season.

Si Kristoffer “BON CHAN” Ricaplaza pa rin ang gagabay sa Blacklist lineup bilang head coach kasama si Aniel “Master the Basics” Jiandani na gaganap muli bilang technical coach/assistant.


Kumpletong Blacklist lineup para sa S10

Credit: Blacklist International
  • Johnmar “OhMyV33NUS” Villaluna
  • Danerie “Wise” Del Rosario
  • Mark Jayson “ESON” Gerardo
  • Kent Xavier “KEVIER” Lopez
  • Dexter “DEX STAR” Alaba
  • Edward Jay “Edward.” Dapadap
  • Kiel “OHEB” Soriano
  • Salic “HAD JI” Imam

Sundan ang pinakahuli sa MPL sa pamamagitan ng pag-like at pag-follow sa Facebook ng ONE Esports Philippines.

BASAHIN: OhMyV33NUS kumpiyansang kaya ng Blacklist 5 na buuin ang SIBOL MLBB roster para sa IESF WEC