Bilang pagbibigay-pugay sa ika-sampung anibersaryo at milestone season ng MPL Philippines, inanunsyo ng Moonton ang paglulunsad ng MPL PH Hall of Legends, ang sarili nitong bersyon ng hall of fame.

Ang MPL PH Hall of Legends ay isang inisyatibo ng liga para bigyan ng karangalan ang esports athletes na nagbigay-daan sa patuloy na pag-usbong ng Mobile Legends eksena sa bansa.

Credit: ONE Esports

Simula September 5 hanggang October 7, nagkaroon ng pagkakataon ang players, media, fans at iba pang stakeholders ng liga na mag-nomina ng mga personalidad sa eksena na tingin nila ay nararapat na makasama sa listahan base sa tatlong aspeto: strength, contribution, at legacy.

Credit: MPL Philippines

Ngayong humantong na sa kongklusyon ang MPL PH Season 10 ay inilahad na ng liga ang sampung personalidad na ilalagak sa Hall of Legends, katuwang ang isang honorary inductee.


Listahan ng MPL PH Hall of Legends inductees

Credit: MPL Philippines
  • Johnmar “OhMyV33NUS” Villaluna
  • Danerie “Wise” Del Rosario
  • Joshua “Ch4knu” Mangilog
  • Setsuna “Dogie” Ignacio
  • Karl “KarlTzy” Nepomuceno
  • Brian “Coach Panda” Lim
  • Angelo “Pheww” Arcangel
  • Christian “Rafflesia” Fajura
  • Carlito “Ribo” Ribo Jr.
  • Jeniel “YellyHaze” Bata-Anon
  • Manjean “Manjean” Faldas (Honorary Inductee)

Sundan ang pinakahuling balita sa MPL PH sa pamamagitan ng pag-like at pag-follow sa Facebook page ng ONE Esports Philippines!

BASAHIN: MPL PH S10 playoffs: Schedule, resulta, format, mga koponan, at saan mapapanood