M3 World Championship: Schedule, format, scores, teams, at saan mapapanood

Opisyal nang inanunsyo ng Moonton ang mga deltaye tungkol sa pinaka-aabangang M3 World Championship.

16 sa pinakamalalakas na Mobile Legends: Bang Bang teams mula sa buong mundo ang magsasama-sama sa Singapore para alamin kung sino nga ba ang makapag-uuwi ng pinaka-aasam na kampeonato.

Narito ang mga impormasyong kailangan niyong malaman tungkol sa papalapit na prestihiyosong turneo.

M3 World Championship group stage standings

Group A

Group B

Group C

Group D

Schedule ng M3 World Championship

Nakatakdang ganapin ang nasabing turneo mula ika-anim hanggang ika-19 ng Disyembre.

Idadaos ang group stage nito simula sa ika-anim hanggang sa ika-siyam ng Disyembre. Samantala, ang playoffs naman ay tatakbo nang siyam na araw simula ika-11 hanggang ika-19 ng Disyembre.

Disyembre 6 (Day 1) – Group Stage – Group A

Disyembre 7 (Day 2) – Group Stage – Group B

Disyembre 8 (Day 3) – Group Stage – Group C

Disyembre 9 (Day 4) – Group Stage – Group D

Disyembre 11 – Playoffs

Disyembre 12 – Playoffs

Disyembre 13 – Playoffs

Disyembre 14 – Playoffs

Disyembre 15 – Playoffs

Disyembre 16 – Playoffs

Disyembre 17 – Playoffs

Disyembre 18 – Playoffs

Disyembre 19 – Grand Final

Format at prize pool ng M3 World Championship

Nahahati sa dalawang stages ang turneo: ang group stage at ang playoffs.

Para sa group stage, mahahati ang 16 koponan sa apat na pangkat na may tig-apat na teams. Sasabak sila sa best-of-one, single round-robin. Walang ma-e-eliminate, pero dito made-determine ang seeding para sa playoffs.

Masi-seed sa upper bracket ng double-elimination playoffs ang top two teams ng bawat pangkat, habang sa lower bracket naman mapupunta ang bottom two.

Lahat ng serye sa upper bracket ay best-of-five, habang best-of-three naman hanggang sa ikatlong round ng lower bracket, at magiging best-of-five na muli pagkatapos ng ikatlong round.

Aabante sa best-of-seven grand final ang magtatagumpay sa upper bracket at lower finals para sa tsanang mai-uwi ang M3 World Championship title at ang pinakamalaking bahagi ng US$800,000, o higit PHP 40 milyon, na prize pool.

* Approximate conversion ng Philippine Peso at US Dollars

Ang mga kalahok na teams sa M3 World Championship

Bukod sa mga bansang matagal nang may MPL, gaya ng Pilipinas, Indonesia, Malaysia, at Singapore, imbitado rin sa turneo ang mga kampeon ng Cambodia at Brazil.

Nagpa-qualifier din si Moonton sa iba’t-ibang bahagi ng mundo gaya ng Turkey, Middle East, Latin America, North America, at CIS.

Saan mapapanood ang M3 World Championship

Inaasahang masusubaybayan ang opisyal na Filipino broadcast ng palaro sa Facebook page at YouTube channel ng MPL Philippines.

I-follow ang opisyal na Facebook page ng ONE Esports Philippines para sa karagdagang impormasyon tungkol sa M3 World Championship.

BASAHIN: NAVI papasok sa MLBB esports; players ng Deus Vult kinuha