MPL ID S9 Team Rosters: Kilalanin ang teams at pro players na makikipakbakan sa Season 9!

Opisyal ng magbubukas ang Mobile Legends: Bang Bang Professional League Indonesia Season 9 sa mga susunod na araw at kumpleto na ang MPL ID S9 team rosters na sasabak sa isa nanamang mainit na kampanya papunta sa korona.

Mula sa fresh faces at nagbabalik na veterans, patuloy na nagpapasabik ang unang MPL season sa Indonesia.

Heto ang kumpletong listahan ng MPL ID S9 Team rosters na susubukang simulan ang 2022 na may kampyonatong nakadikit sa kanilang pangalan.

Kumpletong listahan ng MPL ID S9 Team Rosters

Alter Ego

Inangat ng Alter Ego ang tatlong players mula Alter Ego X na sina Devara Reynanda “DevKoch” Putra, Prayoga “Rexlona” Naufal, at Fahmi “AMYYY”. Bilang kapalit sa mga roster spots na pinunan ng mga bagong players, babandera muna sa MDL team ng grupo sina Ahmad “Ahmad” Abdurrahman at Julian “LeoMurphy” Murphy.

Mananatili ang tatlong core players ng koponan na yumanig sa mga katunggali sa ONE Esports MPL Invitational 2020 bago ilampaso ang BREN Esports sa grand finals para iuwi sa Indonesia ang korona.

Aura Fire

Tampok ang bagong jungler na si Jamet para sa MPL ID S9 team roster ng Aura Fire, habang si Michael Giovanni “Variety” Tjandra ay sasabak muna para sa kanilang MDL team.

Paghahatian nina Jamet at Jehuda Jordan “High” Sumual ang position 1 sa gabay ng mga beterano ng koponan na tulad nina Erico “God1va” at Usep “Facehugger” Satiawan.

Bigetron Alpha

Babalagbag sa Season 9 ang Bigetron Alpha ng wala ang kanilang star jungler na si Jabran “Branz” Wiloko. Sa madaling sabi, ang dating Genflix Aerowolf jungler na si Agung “Bottle” Dita ang matitirang core player para sa grupo.

Gayunpaman, mananatili pa rin ang key players ng Bigetron sa kanilang MPL ID S9 team lineup. Babandera pa rin para sa koponan sina Hengky “kyy” Gunawan, Deven “Renbo” Markos at Muhammad “Rippo” Arif.

EVOS Legends

Maraming pagsubok na pinagdaanan ang EVOS Legends matapos maghari bilang M1 World Champions. Gayunpaman, nanatili silang magilas sa pagdaan ng bawat season at nagawa pa ngang iuwi ang MPL korona noong Season 7.

Ngayong season, inanunsyo ng EVOS Legends na ang kanilang mga star players na sina Muhammad “Wannn” Ridwan at Joshua “LJ” Darmansyah ay maglalaro muna para sa kanilang MDL team, habang sina Wyvorz at Cr1te muna ang hahawak sa iiwan nilang roster spots.

Magbabalik sa MPL ID S9 team roster ng EVOS ang rookie sensation na si Ferdyansyah “Ferxiic” Kamaruddin na hahawakan mag-isa ang position 1 sa pag-asang maibabaling niya ang tadhana ng dekoradong team.

Geek Fam

Matapos muling kapusin makakuha ng seeding sa playoffs, bumalik sa drawing board ang Geek Fam at naglunsod ng reshuffle ng kanilang roster para sa paparating na MPL ID Season 9.

Nag-iisa man si Rendy “RenV” Kurniawan na nanatili sa roster mula noong Season 8, sasamahan naman siya ng mga bagong players mula MDL. Kapanapanabik ang magiging resulta ng pagsalang nga revamped roster na ito para sa mga miron lalo pa’t madalas na bagong teams ang nagpapakawala ng bagong strats sa liga.

ONIC Esports

Kakaunti ang offseason moves na ginawa ng MPL ID defending champions na ONIC Esports. Matapos kumalas ni  Adriand Larsen “Drian” Wong mula sa team, si Viorenita “Vior” Sutanto ang tatao sa midlane ngayong Season 9.

Susubukan ng MPL ID S9 team roster ng ONIC Esports patunayan na wala silang kupas sa likod ng mga beteranong sina Gilang “SANZ” at  Muhammad Satrya “Butss” Sanubari. Sa pananatiling solido ng kanilang lineup, hindi malayong maiuwi ulit nila ang kanilang korona.

Rebellion Zion

Ang Rebellion Zion ang pinakahuling team na pumasok sa liga noong nakaraang season. Maganda man ang ipinakitang performances noong regular season ay hindi pinalad ang koponan makasama sa playoffs.

Kaya naman ngayong season, gumawa ang koponan ng ilang adjustments para sa kanilang MPL ID S9 team lineup. Bagong adisyon sa koponan sina Dyrennn at Swaylow, habang mananatiling solido sa kani-kanilang posisyon sina Vall, B1rul, at Jiisaa sampu ng pag-asang makakarating din sila sa inaasam na playoff contention.

RRQ Hoshi

All eyes on the prize ang RRQ Hoshi ngayong Season 9 dahil tutulungan sila ngayon ng star player na si Muhammad “Lemon” Ikhsan na nagbabalik mula sa kaniyang short break noong nakaraang season.

Ibabandera pa rin ng Kings of Kings ang kanilang solidong lineup  kasama pa ng MDL standouts na sina , Riko “Violence” at Edi “Yummy” Susanto. Kahit pa magpapahinga muna si Yesaya Omega Armando “Xinnn” Wowiling ay siguradong mapapasabak ang sinumang haharap sa MPL ID S9 team roster na ito.

BASAHIN: MPL ID Season 9 gaganapin offline at bubuksan sa publiko ayon sa Moonton