Patuloy ang roster changes sa Mobile Legends: Bang Bang Professional League Philippines (MPL PH) matapos pakawalan ng BREN Esports si Paulo “Pauloxpert” Munsayac.
Nagsilbi si Pauloxpert bilang assistant coach ng BREN Esports noong ika-10 season ng MPL PH. Katuwang niya ang head coach na si Coach Francis “Duckey” Glindro sa matagumpay na pagbabalik ng koponan sa playoffs ng turneo.
Sa opisyal na pahayag ng koponan, binalikan nila kung paano nagsimula si Pauloxpert bilang analyst ng BREN Esports. Ngunit dahil sa angkin nitong husay, sa pag-draft ay na-promote ito bilang coach.
“He has showcased so much growth and potential in what he does best during his time with us. But for now, we part ways. We wish you all the best in the new chapter of your career,” sulat ng BREN Esports.
- Panoorin ang reaction ng dating EVOS Esports VP DeanKT sa tagumpay ng Indonesia sa IESF WEC 2022
- IESF champions magiging MPL ID S11 EVOS Legends roster? Narito ang sagot ni Zeys
Kasalukuyang MPL PH roster ng BREN Esports
- David “FlapTzy” Canon
- Vincent “Pandora” Unigo
- Angelo “KyleTzy” Sayson
- Angelo Kyle “Pheww” Arcangel
- Jomari “Jowm” Pingol
- Marco Stephen “SUPER MARCO” Requitano
- Rowgien “Owgwen” Unigo
- Francis “Duckey” Glindro (Coach)
Kamakailan ay nagbatid din ng kanilang pamamaalam ang BREN Esports sa tatlong miyembro ng kanilang MPL PH Season 10 roster. Sa ngayon ay hindi pa tukoy kung sino ang madadagdag sa kanilang hanay, gayundin ang patutunguhan ni Pauloxpert.
Para sa karagdagang balita sa esports at guides sa mga paborito niyong laro, i-like at i-follow ang ONE Esports Philippines sa Facebook.
