Susubukan ng main 5 ng RSG Philippines na ulitin ang tagumpay na nakamit noong nakaraang season sa pagbubukas ng MPL Philippines Season 10. Ito ay karugtong ng opisyal na pagpapakilala sa kumpletong RSG PH roster na ipinoste ng koponan, Huwebes ng gabi.
Makakatuwang ni reigning MVP Dylan “Light” Catipon at ng kaniyang RSG PH cast ang dalawang adisyon na inaasahang mas magpapasolido pa sa tatangkaing depensa ngayong S10.
Kumpletong RSG PH roster na sasabak sa Season 10
- Dylan “Light” Catipon
- Jonard Cedrix “Demonkite” Caranto
- Eman “EMANN” Sangco
- Nathanael “Nathzz” Estrologo
- Arvie “Aqua” Antonio
- Dexter “Exort” Martinez
- Clarense Jay “Kousei” Camilo
- Elyson “Wrecker” Caranza
- Kenneth Jiane “Kenji” Villa
- John “Perkz” Sumawan
- John “1rrad” Tuazon
Pangungunahan muli ni Light ang main 5 na binubuo nina Jonard Cedrix “Demonkite” Caranto, Eman “EMANN” Sangco, Arvie “Aqua” Antonio at Nathanael “Nathzz” Estrologo.
Mananatili din ang role players na sina Dexter “Exort” Martinez at Clarense Jay “Kousei” Camilo sa RSG PH roster, habang mamalaging supporting cast ng team sina Elyson “Wrecker” Caranza at Kenneth Jiane “Kenji” Villa.
Samantala, mag-dedebut para sa RSG PH ang dalawang adisyon ng team na sina John “Perkz” Sumawan and John “1rrad” Tuazon na standouts mula sa amature teams na Euphoria at Z4.
Epektibo rin nilang pupunan ang iniwang roster spots nina Joshwell Christian “Iy4knu” Manaog at Earvin John “Heath” Esperanza na kamakailan ay inilagay ng team sa “Open for Transfer” listahan.
Karugtong ng matagumpay na Season 9 kampanya, mananatiling haligi ng koponan si Brian “Coach Panda” Lim katuwang ang technical coach at analyst na si Karl “Coach Giee” Barrientos.
Sundan ang pinakahuli sa MPL sa Facebook ng ONE Esports Philippines.
BASAHIN: H2wo at Renejay pangungunahan pa rin ang Nexplay EVOS sa MPL PH S10
