Kasabay ng inaabangang MPL PH Season 11 Grand Finals, ginawaran sa huling araw ng Playoffs ang mga personalidad sa Season Awards ng MPL PH S11 tampok ang ilang bituwin sa mundo ng Mobile Legends sa bansa.
Kasama sa mga ginawaran sa Season Awards sa MPL PH S11 ang Regular Season MVP, Rookie of the Season, Best English Caster, Best Filipino Caster, kasama na din ang bagong inductee sa prestihiyosong Hall of Legends.
Listahan ng mga ginawaran ng Season Awards sa MPL PH S11
| Award | Awardee |
| Regular Season MVP | Rowgien “Owgwen” Unigo ng Bren Esports |
| Rookie of the Season | Kenneth Carl “Yue” Tadeo ng Blacklist International |
| Best English Caster | Renmar “Reptar” Sta. Cruz |
| Best Filipino Caster | Caisam Yvez “Wolf” Nopueto |
| Hall of Legends Inductee | Edward “EDWARD” Dapadap |
Hinirang na Regular Season MVP sa MPL PH S11 ang Bren Esports roamer na si Rowgien “Owgwen” Unigo matapos tulungan ang The Hive makamit ang top seed sa regular season. Samantala, si Kenneth Carl “Yue” Tadeo ng Blacklist International naman ang hinirang na Rookie of the Season matapos ang pambihira niyang performance para tulungan ang defending champions maselyo ang playoff berth at manatili sa top three ng standings.
Ang kapwa niya Blacklist pro na si Edward “EDWARD” Dapadap naman ang naihalal bilang bagong miyembro ng Hall of Legends. Sasamahan niya sa eksklusibong grupo ang nauna nang naihalal na sina Jonmar “OhMyV33NUS” Villaluna at Danerie “Wise” Del Rosario na kasamahan niya sa dominanteng dinastiya na nabuo ng koponan ng Tier One.
Sa hanay naman ng mga caster, nanalo bilang best caster sa English broadcast si Renmar “Reptar” Sta. Cruz habang si Caisam Yvez “Wolf” Nopueto naman ang nakatanggap ng parangal sa Filipino broadcast.
Bukod sa season awards sa MPL PH S11, pinarangalan din ang ilang personalidad sa Fan Awards segment.
| Award | Awardee |
| Sportsmanship Award | Ben “Benthings” Maglaque ng TNC Pro Team ML |
| Freshest Face Award | Kristofer Malcus “Hesu” Calderon |
| Most Fashionable Award | Jonmar “OhMyV33NUS” Villaluna |
| Best Content Creator Award | Danerie “Wise” Del Rosario |
| Most Epic Game Play Awards 1 | Red for Redemption by Blacklist International |
| Most Epic Game Play Awards 2 | Sanford’s Backdoor Play by ECHO |
| Most Epic Game Play Awards 3 | Tali ng Pagkakabigan by Blacklist International |
I-like at i-follow ang Facebook ng ONE Esports Philippines!
BASAHIN: Ito ang kinailangang isakripisyo nina Yawi at ECHO para makuha ang tiket sa MSC 2023
