Opisyal ng inanunsyo ang TNC Pro Team ML lineup na sasabak sa paparating na MPL Philippines Season 10.
Mananatiling nakasalang para sa Phoenix Army ang mga pro na nagtulak sa kanila sa matagumpay na 3rd place finish noong nakaraang season, malayo sa kanilang dismayadong 8th place finish noong Season 8.
Pangungunahan muli ng kapitan at roamer na si Ben “Benthings” Maglaque ang kampanya ng TNC ngayong S10, kasama ang topnotch jungler na si Daniel “SDzyz” Chu. Samantala, mamalagi sa midlane ang S9 standout na si Jomarie “Escalera” Delos Santos, habang iseselyo nina Mark Genzon “Kramm” Rusiana at Robee Bryan “Yasuwo” Pormocille ang magkabilang sidelanes.
Makakatuwang din nila ang kanilang multirole player na si Salman “KingSalman” Macarambon na mananatili bilang 6th man ng grupo.
Bukod sa retention ng pro players sa TNC Pro Team ML lineup, tampok din sa anunsyo ng koponan ang pagpapakilala sa kanilang bagong coach.
Susubukan ni Coach 413 na angatan ang tagumpay na nakamit ng TNC noong nakaraang season, katuwang ang team analyst at assistant coach na si Jemson “Coach Scholar” Ignacio na maaalalang gumanap bilang gabay ng koponan sa malaking bahagi ng Season 9.
Kasunod ito ng pagliban muna ni Vrendon “Coach V” Lin sa eksena dulot ng Pott’s Disease.
Kumpletong TNC Pro Team ML lineup para sa Season 10
- Daniel “SDzyz” Chu
- Ben “BenThings” Maglaque
- Jomarie “Escalera” Delos Santos
- Mark Genson “Kramm” Ruisiana
- Robee Bryan “Yasuwo” Pormocille
- Salman “KingSalman” Macarambon
- Coach 413 (Head Coach)
- Jemson “Coach Scholar” Ignacio (Assistant Coach)
Sundan ang pinakahuli sa MPL PH sa pamamagitan ng pag-like at pag-follow sa ONE Esports Philippines sa Facebook!
BASAHIN: RSG PH roster para sa MPL PH S10: Main 5 mananatili, Perkz at 1rrad mag-dedebut
