Ipinakilala na ng Indonesia-based esports organization na Rex Regum Qeon, o RRQ, ang mga bagong miyembrong bumubuo sa Valorant roster nito.
Tampok sa six-man roster ng nasabing koponan ang mga pausbong na manlalaro mula sa iba’t-ibang Valorant teams mula sa Pilipinas.
Matatandaang pinakawalan ng RRQ ang kanilang Valorant roster noong Disyembre ng nakaraang taon. Sinubukan ng nasabing koponan na maka-qualify sa SEA Challengers Playoffs, ang qualifier ng rehiyon para sa VCT Stage 3 Masters Berlin, mula sa huling dalawang stages ng VCT Indonesia pero kinapos ito sa parehong pagkakataon.
Ang pag-recruit ng RRQ sa mga Pinoy players
Hindi ito ang unang beses na kumuha ng Pinoy players ang RRQ para sa kanilang koponan.
Bagamat naunang maging Dota 2 team na binubuo ng Indonesian players, matatandaang kinuha rin noon ang mga ngayo’y player ng Team Secret na sina Kevin “Dispenser” Te at Jayvee “DubsteP” Paguirigan para sa kanilang Counter-Strike: Global Offensive team.
Kamakailan, ipinakilala rin ng organisasyon ang kanilang League of Legends: Wild Rift team na binubuo ng mga Pinoy players, kasama na ang bantog na manlalarong si Eric “Exosen” Gubatan.
Inaasahan ang paglahok ang Valorant roster ng RRQ sa VCT Asia Pacific Philippines 2022. Magsisimula ang Stage 1 sa katapusan ng Enero para malaman kung sino nga ba ang magiging kinatawan ng bansa sa APAC Challengers Playoffs.
Ang Valorant roster ng RRQ
- Trixtan “Tr1X” Viray
- Mikko “Hemsyxx” Gumapac
- Kelly “kellyS” Sedillo
- Dustin “skadooskurt” Dollente
- Francis “Rabbet” Buñag
- Vince “Flash” Medado
BASAHIN: Nandito na si Neon: Alamin ang lahat ng kaniyang agent abilities sa Valorant
