Apat na Filipino players na ang bumubuo sa Dota 2 roster ng Fnatic matapos opisyal na ianunsyo ng organisasyon ang pagsapi nina Armel Paul “Armel” Tabios at Jaunuel “Jaunuel” Arcilla sa koponan.
Pinunan ng dalawang bagong manlalaro ang puwang na naiwan nina Yang “Deth” Wu Heng at Ng “ChYuan” Kee Chyuan sa Dota 2 roster ng Fnatic. Umalis ang mga ito matapos ang kampanya ng Fnatic sa The International 10, na nauwi sa 9th-12th place finish.
“Signing Armel and Jaunuel is a massive boost to our Dota team. They are two of the best talents not only in the Philippines but in Southeast Asia in general and the thought of working with them is just truly exciting,” sulat ng organisasyon sa kanilang anunsyo.
Si Armel ay huling naglaro para sa TNC Predator. Ilang Major championship title din ang napanalunan ni “Chief Armel” sa ilalim ng nasabing organisasyon bago lumipat sa Fnatic.
Samantala, galing OB.Neon naman si Jaunuel. Bukod sa husay na ipinamalas niya noong ONE Esports Singapore Major 2021, kilala rin siya sa pagkakaroon ng malawak na hero pool at unique na playstyle, gaya na lang ng paggamit ng support Faceless Void.
Pupunan naman ni Anucha “Jabz” Jirawong ang offlane posisyon, habang balik position-four support naman ang tanyag na Pinoy player na si Djardel Jicko “DJ” Mampusti.
Ang Dota 2 roster ng Fnatic para sa 2021-2022 Dota Pro Circuit
- (1) Marc Polo Luis “Raven” Fausto
- (2) Armel Paul “Armel” Tabios
- (3) Anucha “Jabz” Jirawong
- (4) Djardel Jicko “DJ” Mampusti
- (5) Jaunuel “Jaunuel” Arcilla
Nakatakdang sumalang ang bagong Dota 2 roster ng Fnatic sa unang Tour ng DPC SEA 2021-2022: Division I, na nakatakdang magsimula sa ika-isa ng Disyembre.
BASAHIN: Lahat ng mga kupunang sasabak sa unang Tour ng Dota 2 DPC 2022 season
