Matapos ang masalimuot na kampanya noong nakaraang season, susubukan ng BREN Esports na ibalik ang dati nilang tindig sa paparating na Mobile Legends: Bang Bang Professional League – Philippines Season 9.
Tampok sa kaaanunsiyo pa lamang na BREN Esports MPL PH S9 roster ang mga standouts mula sa batikang koponan na ArkAngel na nagpakitang gilas sa eksena sa amateurs.
Saxa, Super Marco at JoyBoy bibida sa BREN Esports MPL PH S9 Roster
Tatangkain ng dating ArkAngel jungler na si Kenneth “Saxa” Fedelin na tulungan si Muj “Lord Malikk” Malik na punan ang malaking butas na iniwan ng M2 World Champion MVP na si Karl “KarlTzy” Nepomuceno.
Sa kabilang banda, bababad naman sa gold lane si Marco “Super Marco” Stephen na gagampanan ang role ng nagpapahingang si Carlito “Ribo” Ribo Jr., at magiging kapalitan naman si Vincent “Joy Boy” De Guzman si Allan “Lusty” Castromayor.
Bukod sa dating ArkAngel standouts, babandera na din para sa BREN sina Jowm, Pandora at Stowm.
Mananatiling nakatutok sa aksyon si Angelo “Pheww” Arcangel na team captain at midlaner ng grupo, na muling tutulungan ni David “FlapTzy” Canon sa EXP lane.
BREN Esports MPL PH S9 Roster
- Angelo “Pheww” Arcangel
- David “FlapTzy” Canon
- Allan “Lusty” Castromayor
- Muj “Lord Malikk” Malik
- Kenneth “Saxa” Fedelin
- Marco “Super Marco” Stephen
- Vincent “Joy Boy” De Guzman
- Jowm
- Pandora
- Stowm
Magagawa ba ng BREN Esports MPL PH S9 Roster na ito na mabaliktad ang tadhana? Sundan ang kanilang kampanya sa paparating na season sa pamamagitan ng pag-follow sa Facebook page ng ONE Esports Philippines!
