Opisyal ng babalagbag para sa koponan ng Smart Omega sa MPL PH Season 9 sina Cesar Jefferson “AMETHYST” Santos at Jhonville Borres “OUTPLAYED” Villar.
Ito ay ayon sa pormal na anunsyo ng koponan sa Facebook, kung saan ipinahayag din ng team ang kanilang mainit na pagtanggap sa kanilang mga bagong adisyon.
Pupunan nina OUTPLAYED at Amethyst ang huling dalawang spot sa roster na dating inupuan ng mga beteranong sina Robbie “Hito” Candoy at Dian “Dian” Cruz.
Dekalibreng ML ang dala ni OUTPLAYED na dating naglaro para sa Amihan Esports, SV Empire at Z4, habang si Amethyst naman ay sentro ng Origen Esports na kampyon ng Juicy Legends Q4.
Opisyal na lineup ng Smart Omega sa MPL PH Season 9
Mananatiling nakasentro ang lineup ng Smart Omega sa MPL PH Season 9 sa kanilang 1-2 punch na sina Duane “Kelra” Pillas at Joshua “Ch4knu” Mangilog.
Magpapatuloy rin sa EXP lane at Jungle sina Renz “Renzio” Cadua at Kielvj “Kielvj” Hernandez, habang mamalaging shotcaller at kapitan ang beteranong si Patrick “E2MAX” Caidic.
Mangunguna sa mga reserves si Dean “Raizen” Sumagui na nagpakitang-gilas sa jungler position sa huling bahagi ng MPL PH Season 8 na sasamahan nina Romiere “Allidap” Padilla, Billy “Z4pnu” Alfonso, OUTPLAYED at Amethyst.
Lineup ng Smart Omega sa MPL PH Season 9
- Duane “Kelra” Pillas
- Joshua “Ch4knu” Mangilog
- Renz “Renzio” Cadua
- Kielvj “Kielvj” Hernandez
- Patrick “E2MAX” Caidic
- Dean “Raizen” Sumagui
- Romiere “Allidap” Padilla
- Billy “Z4pnu” Alfonso
- Jefferson “AMETHYST” Santos
- Jhonville Borres “OUTPLAYED” Villar
Manatiling nakasubaybay tungkol sa mga roster changes ng mga teams para sa MPL Philippines Season 9 sa pamamagitan ng pag-follow sa ONE Esports Philippines sa Facebook.
