Makamandag ang MSC 2022 lineup ng RSG PH na lalayag para patunayan muli na Pilipino ang pinakamagaling sa larangan ng Mobile Legends.
Bagamat hindi lilipad kasama ng team si Coach Brian “Panda” Lim ay kumpidente ang esports label sa kakayahan ng team assistant coach Karl “Giee” Barrientos na siyang gagabay sa MPL Philippines Season 9 champions sa tangka nilang makuha ang tropeyo ng international patimpalak.
Pangungunahan ng reigning season MVP na si Dylan “Light” Catipon ang MSC 2022 lineup ng RSG PH, kasama ang kaniyang star jungler na si Jhonard “Demonkite” Caranto.
Sa midlane, bibida para sa grupo ang Arvie “Aqua” Calderon habang pupunan naman ang magkabilang sidelanes nina Eman “EMANN” Sangco at Nathanael “Nathzz” Estrologo.
Samantala, kasamang babandera si Dexter “Exort” Martinez sa patimpalak bilang sixth man ng team.
MSC 2022 lineup ng RSG PH
- Karl “Giee” Barrientos (Coach)
- Dylan “Light” Catipon
- Arvie “Aqua” Calderon
- Nathanael “Nathzz” Estrologo
- Eman “EMANN” Sangco
- Jhonard “Demonkite” Caranto
- Dexter “Exort” Martinez
Makakasama ng RSG Philippines ang kanilang katukayong RSG Singapore sa Group B, pati na rin ang See You Soon ng Cambodia. Magbubukas ang MSC 2022 sa ika-11 ng Hunyo.
Sundan ang pinakahuli sa mundo ng MLBB sa pamamagitan ng pagsunod sa ONE Esports Philippines sa Facebook.
