Pinal na ang MSC 2022 roster ng Smart Omega na lalayag para depenasahan ang koronang inuwi ng koponan noong nakalipas na taon.
Bibida pa rin para sa roster ng defending champions ang kapitan na si Patrick “E2MAX” Caidic katuwang ang kapwa beteranong si Renz “Renzio” Cadua sa EXP lane. Samantala, pupunan ni Dean Christian “Raizen” Sumagui ang iniwang puwang ng dating core player ng championship team na si Kiel “KielVJ” Hernandez.
Masusubukan din ulit ang kamandag nina Grant Duane “Kelra” Pillas at Joshua “Ch4knu” Mangilog na tatao sa magkasunod na gold lane at roam positions.
Kasama din sa MSC 2022 roster ng Smart Omega si Billy “Z4pnu” Alfonso na gaganap bilang sixth man ng grupo. Pangungunahan ng head coach na si Jaime “Pakb41ts” Abalos ang MPL Philippines Season 9 runner ups sa kampanya nila para depansahan ang titulong “Kings of the SEA”.
MSC 2022 roster ng Smart Omega
- Jaime “Pakb41ts” Abalos
- Patrick “E2MAX” Caidic
- Joshua “Ch4knu” Mangilog
- Grant Duane “Kelra” Pillas
- Renz “Renzio” Cadua
- Dean Christian “Raizen” Sumagui
- Billy “Z4pnu” Alfonso
Kalahok sa Group C ng nasabing torneyo ang Smart Omega kung saan makakasama nila ang bigating RRQ Hoshi mula Indonesia at Thai team na IDONOTSLEEP.
Nakatakdang gumulong ang Group Stages sa ika-11 ng Hunyo.
Subaybayan ang mga balita tungkol sa MSC 2022 sa pamamagitan ng pag-follow at pag-like sa ONE Esports Philippines sa Facebook.
BASAHIN: Tiyansa ng PH teams manalo sa MSC 2022? 41% daw ani ni Coach BON CHAN
