Matapos kumalas ng batikang roamer na si Tristan “Yawi” Cabrera mula sa tinaguriang “Big 3” ng Nexplay EVOS, tatangkain ngayon ng koponang sumandal sa anim na bagong players na isasalang nila sa pagbubukas ng MPL Phiippines Season 9.
Ito ay isinapinal ng team sa kanilang posts sa social media, kung saan inanunsyo na ang NXPE MPL PH S9 roster.
Pangungunahan pa rin nina John Paul “H2wo” Salonga, Renejay “Renejay” Barcase at Jeniel “YellyHaze” Bata-anon ang nasabing roster, habang susubukang ipagpatuloy ni Jhonwin “Hesa” Vergara ang kaniyang momentum mula sa kapana-panabik niyang pagpapakita noong Season 8.
Magsasama na rin ngayon si John “Zico_” Dizon at Setsuna “Akosi Dogie” Ignacio sa coaching position para gabayan ang nasabing lineup ngayong season.
Bagong players na bibida sa NXPE MPL PH S9 roster
Sa nasabing post, ipinakilala ng Nexplay ang anim na adisyon na susubukang higitan ang kanilang 4th place finish mula sa nakaraang season.
Kasama sa NXPE MPL PH S9 roster ang mga rookies na sina Michael “MP the King” Endino, Marius “Donut” Tan, Rainiel “URESHIII” Logronio, Emanuel “Elpizo” Candelaria at Kenneth “Cadenza” Castro ang Nexplay.
Samantala, nagbabalik naman sa pro scene ang dating Execration offlaner na si Jeff “S4gitnu” Subang para maglaro sa popular na grupo.
Susubukang punuan ng mga bagong players ang puwang na iniwan nina James “Jeymz” Gloria, Sanford “Sanford” Vinuya at Yawi na kumalas na sa NXPE noong offseason.
NXPE MPL PH S9 roster
- Renejay “Renejay” Barcase
- Jeff “S4gitnu” Subang
- Michael “MP the King” Endino
- John Paul “H2wo” Salonga
- Marius “Donut” Tan
- Jeniel “YellyHaze” Bata-anon
- Rainiel “URESHIII” Logronio
- Emanuel “Elpizo” Candelaria
- Jhonwin “Hesa” Vergara
- Kenneth “Cadenza” Castro
Sundan ang kampanya ng NXPE MPL PH S9 roster na ito sa pamamagitan ng pag-follow sa ONE Esports Philippines sa Facebook!
BASAHIN: MPL S9 roster ng RSG PH, inilahad na
