Sasandal pa rin sa MPL Philippines Season 8 Best Rookie na si Jonard “Demonkite” Cedrix Caranto, at sa “pasma duo” nina Arvie “Aqua” Calderon at EJ “Heath” Esperanza ang MPL S9 roster ng RSG PH.
Ito ay ayon sa inilabas na anunsyo ng koponan sa social media, kung saan inilahad ng team ang mga miyembrong bubuo ng kanilang lineup sa pag-asang masungkit ang MPL korona.
Sesentro din ang atake ng RSG PH sa kanilang magilas na sophomore player na si Nathanael “Nathzz” Estrologo habang susubukan naman punan ni Clarense “Kousei” Camilo mula sa TNC Pro Team ML ang gold lane habang nagpapahinga ang beteranong si Christian “Iy4knu” Manaog.
Bukod kay Kousei, bagong adisyon din mula sa TNC si Dylan “Light” Catipon na tutulong bilang roaming support ng grupo.
Kabilang din sa MPL S9 roster ng RSG PH ang mga beteranong sina Dexter “Exort” Martinez at Elyson “Wrecker” Caranza, na sasamahan nina Kenneth Jiane “Kenji” Villa, at Eman ‘EMANN’ Sangco.
Nagtapos ang RSG Philippines sa desenteng 7-5 record para sa 4th place sa MPL PH Season 8.
MPL S9 roster ng RSG PH
- Dexter “Exort” Martinez
- Kenneth Jiane “Kenji” Villa
- EJ “Heath” Esperanza
- Elyson “Wrecker” Caranza
- Arvie “Aqua” Calderon
- Nathanael “Nathzz” Estrologo
- Eman ‘EMANN’ Sangco
- Clarense “Kousei” Camilo
- Dylan “Light” Catipon
Sundan ang kampanya ng RSG PH sa MPL PH Season 9 sa pamamagitan ng pagsunod sa Facebook page ng ONE Esports Philippines!
BASAHIN: Kousei kinuha rin ng RSG PH para sa darating na MPL season
