Patuloy ang andar ng Valorant Champions Tour (VCT) 2022 season sa Asia-Pacific region sa pamamagitan ng VCT Philippines Stage 1 Challengers Playoffs na tinatampok ang top six teams sa bansa.
Target ng top-performing Filipino squads na NAOS Esports at Oasis Gaming na manatiling dominante kontra sa up-and-coming teams na Zeal Esports, South Built Esports at Action PH.
Matapos naman ang mabagal na simula sa kanilang kampanya, hangad ng Valorant Champions 2021 top 8 finisher Team Secret na ipagpatuloy ang sinindihan nilang momentum sa ikalawang linggo ng group stage.
Narito ang lahat ng kailangan mong malaman tungkol sa playoffs kabilang na ang schedule at resulta, mga kasaling koponan, format at kung saan mapapanood nang live ang kompetisyon.
Ano ang VCT Philippines Stage 1 Challengers Playoffs
Inorganisa ng Philippine Pro Gaming League (PPGL)-Mineski sa tulong ng Riot Games, ito ang huling bahagi ng VCT Stage 1 sa Pilipinas kung saan ang top three teams ay uusad sa VCT APAC Stage 1 Challengers.
Paglalabanan sa APAC Challengers ang dalawang slot sa unang Valorant Masters ng taon. Tatampukin nito ang 20 koponan mula sa Pilipinas, Thailand, Indonesia, Malaysia & Singapore, Hong Kong & Taiwan, Vietnam, Oceania at Valorant Conquerors Championship (binubuo ng mga bansa sa South Asia).
Schedule at mga resulta sa VCT Philippines Stage 1 Challengers Playoffs
Ang VCT Philippines Stage 1 Challengers Playoffs ay nakatakdang ganapin mula ika-24 hanggang ika-27 ng Pebrero. Ang mga laban ay magsisimula tuwing alas diyes ng umaga (10 a.m. GMT +8).
February 24
Upper Bracket Round 1
| KOPONAN | RESULTA | KOPONAN |
| Zeal Esports | 1 — 2 | Action PH |
| Team Secret | 1 — 2 | South Built Esports |
Upper Bracket Semifinals
| KOPONAN | RESULTA | KOPONAN |
| Oasis Gaming | 0 — 2 | Action PH |
February 25
Upper Bracket Semifinals
| KOPONAN | RESULTA | KOPONAN |
| NAOS Esports | 2 — 0 | South Built Esports |
Lower Bracket Round 1
| KOPONAN | RESULTA | KOPONAN |
| Team Secret | 0 — 2 | Oasis Gaming |
| Zeal Esports | 0 — 2 | South Built Esports |
February 26
Upper Bracket Final
| KOPONAN | RESULTA | KOPONAN |
| Action PH | 1 — 2 | NAOS Esports |
Lower Bracket Semifinal
| KOPONAN | RESULTA | KOPONAN |
| South Built Esports | 2 — 0 | Oasis Gaming |
Lower Bracket Final
| KOPONAN | RESULTA | KOPONAN |
| Action PH | 1 — 2 | South Built Esports |
February 27
Grand Final
| KOPONAN | SCHEDULE | KOPONAN |
| NAOS Esports | 1 — 3 | South Built Esports |
Mga koponang kasali sa VCT Philippines Stage 1 Challengers Playoffs
| KOPONAN | GROUP | GROUP STAGE STANDING AT RECORD |
| Oasis Gaming | A | 1st (4-2) |
| Team Secret | A | 2nd (3-3) |
| Action PH | A | 3rd (3-3) |
| NAOS Esports | B | 1st (5-1) |
| Zeal Esports | B | 2nd (3-3) |
| South Built Esports | B | 3rd (2-4) |
Format ng VCT Philippines Stage 1 Challengers Playoffs
Ang anim na koponan na nag-advance sa group stage ay magbabakbakan sa isang double-elimination format. Ang No. 1 team sa bawat grupo ay pasok agad sa upper bracket semifinals habang ang natitirang apat ay magsisimula sa upper bracket round 1.
Lahat ng laban ay best-of-three maliban sa Grand Final na isang best-of-five series.
Saan mapapanood ang VCT Philippines Stage 1 Challengers Playoffs
Mapapanood ang mga laban sa opisyal na Facebook, YouTube at Twitch channel ng PPGL.
BASAHIN: Valorant Masters 2022 maaaring magbalik sa Iceland, ayon sa isang deleted Weibo post
