Handa na ang entablado sa PGL Arlington Major 2022, ang ikalawa at huling Major ng Dota Pro Circuit (DPC) 2021-2022 season.
Imamarka ng Arlington ang pagbabalik ng Major sa Amerika sa unang pagkakataon mula nang ganapin ang Boston Major noong 2016. Aantabayanan dito ang matitinding bakbakan dahil ito ang huling Major bago ang The International 11.
Bukod sa US$500,00 prize pool, nakataya rito ang 4,570 DPC points na mahalaga upang makasunggab ng direct invite patungong TI11 na gaganapin sa Singapore sa Oktubre.
At dahil malaki ang paglalabanan sa torneong ito, nagdala ang organizer na PGL ng star-studded na talent lineup para sa English broadcast. Ang pinaghalong bago at kilalang mga mukha ang maghahatid sa inyo ng maiinit na aksyon mula sa Esports Stadium Arlington sa Texas.
Ang broadcast ay may online, remote at live studio setup sa mismong venue.
Arlington Major talents para sa English broadcast
| DESK HOSTS |
| Nikki “Sajedene” Elise |
| Natalie “NatTea” Mahoney |
| STAGE HOST/CONTENT |
| James Banks |
| CONTENT |
| Jake “SirActionSlacks” Kanner |
| ANALYSTS/CASTERS |
| Andrew “Jenkins” Jenkins |
| David “GoDz” Parker |
| Admir “lizZard” Salkanovich |
| Dominik “Lacoste” Stipić |
| Alex “Sheepsticked” Roberts |
| Trent “TrentPax” MacKenzie |
| CASTERS |
| Shannon “SUNSfan” Scotten |
| Gabriel “Lyrical” Cruz |
| Gareth “Gareth” Bateson |
| Dominik “Black^” Reitmeier |
| Lachlan “Ares” Williams |
| John “johnxfire” Fernandez |
| Matt “Danog” Joyce |
| Benjamin “Bkop” Kopilow |
| Mike “MLPDotA” Le Phoenix |
| OBSERVERS |
| Rikard “skrff” Holm Melin |
| Johan “Weppas” Westberg |
| Patrik “PTP” Björgell |
| Steven “Eosin” Cheng |
Mapapanood nang live ang Arlington Major sa opisyal na Twitch stream ng PGL Esports simula Huwebes, ika-4 ng Agosto sa ganap na ika-11 ng gabi, oras sa Pilipinas.
Tatakbo ang torneo nang 11 araw mula ika-4 hanggang ika-14 ng Agosto at 17 ang magsasagupaan para sa DPC points at prize pool.
Manatiling updated sa mga kaganapan sa Arlington Major sa pamamagitan ng pag-like at pag-follow sa Facebook page ng ONE Esports Philippines.
Pagsasalin ito ng artikulo ni Kristine Tuting ng ONE Esports.
