Magsisilbing huling tsansa ang M5 Wild Card para sa walong MPL at non-MPL teams na makapasok sa M5 World Championship.
Ang walong koponan na ito ay magsasalpukan sa Kuala Lumpur, Malaysia para sa dalawang slot lamang sa pinakamalaking torneo ng Mobile Legends: Bang Bang ngayong taon.
Kasali sa kompetisyon ang magkahalong beterano, tulad ng Team SMG at Niightmare Esports, at papausbong na teams mula mga hindi kasikat na rehiyon, kagaya ng Keep Best Gaming ng China at Team Lilgun ng Mongolia.
- Lahat ng kwalipikadong koponan sa ONE Esports MPLI 2023
- ONIC Esports nagtala ng three-peat matapos ipanalo ang MPL ID Season 12 grand final
Kumpletong listahan ng mga kasaling koponan sa M5 Wild Card
| LIGA/TORNEO | KOPONAN |
| LIGA LATAM 2023 | Imperio E-Sport |
| MPL Malaysia Season 12 | Team SMG |
| MLBB Continental Championships Season 2 | Umbrella Squad |
| MLBB Champion Battles Fall 2023 | 4Merical Esports |
| M Challenge Cup Mekong Season 2 | Niightmare Esports |
| ESN National Championship 2023 | Team Lilgun |
| MPL MENA Fall Split 2023 | Falcon Esports |
| China | Keep Best Gaming |
Ang walong kwalipikadong koponan ay random na ilalagay sa dalawang grupo. Maglalaban-laban sila sa isang single round-robin format.
Aabante sa crossover matches ang top two teams mula sa bawat pangkat, habang matatanggal naman sa kompetisyon ang iba.
Haharapin ng first-seed team ang second-seed team ng kabilang grupo. Ang mga mananalo dito ang siyang makakaselyo ng puwesto sa M5 World Championship Group Stage.
Nakatakdang ganapin ang M5 Wild Card sa November 23 hanggang 26.
I-like at i-follow ang ONE Esports Philippines sa Facebook para sa iba pang balita at guides patungkol sa MLBB.
BASAHIN: Team Flash pinatalsik ang 3-time champs, nilista ang pinakamalaking upset sa MPL SG
